Úndistannyń Goa qalasynda qazaqstandyq bolýy múmkin áıeldi tutqyndady, — dep habarlaıdy Qamshy.kz aqparat agenttigi.

«35 jastaǵy áıeldiń vızasy jaramsyz bolyp, Úndistanda zańsyz júrgeni úshin tutqyndaldy»,  — dep jazǵan jergilikti BAQ ókili.

Naılá Pılts Goa qalasynda jaramsyz vızamen nemese sheteldik qujatpen júrgen. Osy jaıtqa qatysty qylmystyq is qozǵaldy, tekserý jumystary júrgizilip jatyr. Sonymen birge azamatshanyń sońǵy 2 jyl boıy Úndistanda jasyryn júrgeni belgili boldy. Jaqyn arada Naılá Pıltske qatysty sot isi bastalady.  

Jergilikti polısıa qyzmetkeriniń málimeti boıynsha, azamatsha soltústik Goadaǵy ataqty ári iri qalanyń biri Kalangýtta turǵan.

«Osy jaıtqa qatysty Qazaqstan Úndistannyń quqyq qorǵaý organymen baılanys ornatty. Alaıda tutqyndalǵan áıeldiń tólqujaty bolmaǵandyqtan Qazaqstan azamatshasy ekeni dáleldenbedi. Bul áıel elshilikte de tirkelmegen. Qazir bul aqparattyń durys burystyǵy tekserilip jatyr», — dep málimdedi QR SİM ókili Anýar Jaınaqov.