Odessa oblysynyń eks-gýbernatory men Joǵary radanyń depýtaty jemqorlyq máselesin talqylaý kezinde tikeleı efırde tóbelese jazdady dep habarlaıdy Qamshy.kz aqparat agenttigi.

Igor Mosııchýk Saakashvılıden «Banderany jaqtaısyń ba, joq pa?» degen suraǵyna «Men Ýkraına jaǵyndamyn. Eger Bandera tiri bolsa, ol birinshi kezekte jemqorlardyń kózin joıýshy edi» dep jaýap berdi. Osy sózderden keıin Mosııchýk Grýzıanyń burynǵy prezıdentin jemqor dep aıyptady.

«Siz Grýzıada jemqor bolǵansyz. Sondyqtan siz de jemqorsyz. Sol úshin sizdi qýdalady» dedi «Radıkaldy partıa» múshesi.  Sonymen qatar, Saakashvılıdiń Ýkraınada saıasatpen aınalysýǵa esh quqyǵy joq ekenin de atap ótti.

Ashýǵa býlyqqan Mosııchýký Saakashvılıdi urmaq bolǵanda baǵdarlama júrgizýshisi onyń jolyn bógedi.

Aıta keteıik, 2013 jyly Grýzıanyń jańa prezıdenti saılanǵanda Saakashvılıdiń ústinen birneshe qylmystyq is qozǵaldy. Onyń ishinde $5 mıllıondy jaratý aıyby da bar.

Saakashvılı Ýkraına azamatttyǵyn alyp, Odessa oblysy ákimshiligin basqardy, biraq bir jarym jyldan keıin otstavkaǵa ketti. Ýkraına prezıdenti Petr Poroshenko ony azamattyǵynan aıyrdy. Osyǵan qaramastan saıasatker Kıevke oraldy.