SHQMÝ ǵalymdary orta mektepke arnalǵan Shyǵys Qazaqstan geografıasynyń oqýlyǵyn shyǵardy dep habarlaıdy Qamshy.kz aqparat agenttigi.
Sársen Amanjolov atyndaǵy Shyǵys Qazaqstan memlekettik ýnıversıtetiniń ǵalymdar ujymy biregeı oqý quralyn qurastyrdy. Ol «Shyǵys Qazaqstannyń fızıkalyq geografıasy» dep atalady. Oqý quralynyń avtorlary – geografıa ǵylymdarynyń doktory A.V. Egorına, E.S.Zınchenkjáne Iý.K. Zınchko.
Bul kitap mekteptegi ólketaný kýrsyn qamtamasyz etýge arnalǵan. Onda Shyǵys Qazaqstannyń fızıkalyq geografıasy boıynsha materıaldarmen qatar naqty koordınattar kórsetilgen ózindik kartalar birge berilgen. Ár bólim sýrettermen kórkemdelgen. Mysaly, oblystyń ken baılyqtary týraly bólimde paıdaly qazbalardyń tústi fotosýretteri bar. Oqý quraly 2018 jyldyń bas kezinde shyǵarylmaq.
«Bizdiń ólkeniń baılyǵyn, bizdiń nemen maqtana alatynymyzdy balalar bilýge tıis. Oqýlyq barlyǵyn qamtıdy: landshaft, paıdaly qazbalar, klımat, ınfraqurylymdyq nysandar, ekonomıka, flora men faýnany», - dep óz oıymen bólisti SHQMÝ strategıalyq damý men ǵylym boıynsha departamentiniń dırektory Anar Myrzaǵalıeva.
Orys tilindegi jarshy nusqasy basylyp, profesor Myrzaǵalıevanyń sońǵy redaktýrasynyń kezeńinde tur. Kitap qazaq tiline aýdarylǵan, oqýlyqtyń eki túrli nusqasyn shyǵarý josparlanýda – orys jáne qazaq mektepterine arnalǵan. Osydan keıin oqý quraly Qazaqstan Respýblıkasy bilim jáne ǵylym Mınıstrliginiń saraptamasynan ótip, Shyǵys Qazaqstan aımaǵynyń orta mekepteri úshin qosymsha ádebıet retinde usynylady.
Ázirshe tırajy 1000 dana bolady. Profesor Myrzaǵalıevanyń aıtýynsha, SHQO ákimi Danıal Ahmetov ár mektep eki tilde tegin oqýlyq alý úshin tırajdy kóbeıtýge ýáde etipti.
Sonymen qatar, «Shyǵys Qazaqstannyń fızıkalyq geografıasy» oqýlyǵynyń elektrondy formaty bar. Avtorlyq quqyq qorǵalǵan soń, ol oblystyq ákimdiktiń saıtynda jarıalanatyn bolady.
«Shyǵys Qazaqstannyń fızıkalyq geografıasy» - Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen «Rýhanı jańǵyrý» baǵdarlamasyn júzege asyrý aıasyndaǵy «Tabıǵat jáne tabıǵı mura» jobasynyń bir bóligi.
