Bul jóninde «Nur Otan» partıasy Tóraǵasynyń Birinshi orynbasary Muhtar Qul-Muhammed H.Dosmuhamedov atyndaǵy Atyraý memlekettik ýnıversıtetiniń oqytýshy-professorlar quramymen jáne stýdenttermen kezdesýinde aıtty, dep jazady  Qamshy.kz

– Búgingi táýelsiz Qazaqstan – osydan 100 jyl buryn jarıalanǵan qazaqtyń tuńǵysh ulttyq memlekettik qurylymy – Alash avtonomıasynyń zańdy murageri, – dedi Muhtar Qul-Muhammed.

Sondaı-aq, «Nur Otan» partıasy Tóraǵasynyń Birinshi orynbasary Atyraý ýnıversıtetine aty berilgen Alash qozǵalysynyń beldi qaıratkerleriniń biri Halel Dosmuhamedovke aıryqsha nazar aýdaryp, osyndaı tarıhı tulǵalarymyzdyń ónegege toly ómirin búgingi jas urpaqqa keńinen nasıhattap, sodan sabaq alý kerektigin aıtty.

Odan bólek, Muhtar Abraruly atyraýlyq jastardy sapaly bilim alyp, Alash qaıratkerleriniń mol murasy men eńbekterin zertteýge, Elbasymyzdyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan basym baǵyttardy júzege asyrý jolynda belsendilik tanytýǵa shaqyrdy.

Qashan da ultymyzdyń asyl qundylyqtaryn qyzǵyshtaı qoryp, keńinen nasıhattap júretin Muhtar Qul-Muhammed bul joly da tarıhtan taǵylym alýdyń tamasha úlgisin kórsetti. Rasymen, bıyl elimizde 100 jyldyǵy atalyp ótip jatqan Alash qozǵalysy men alashordashylardyń ıgi isteri «Rýhanı jańǵyrý» baǵdarlamasyn júzege asyrýda aıryqsha mańyzǵa ıe.