Shymkentte turǵyn úılerdiń birinde bir otbasy óli kúıinde tabyldy. Qaıǵyly jaǵdaı qala shetindegi Tasken aýylynda bolǵan. Bul týraly Kazınform habarlaıdy.

Oblystyq baspasóz-hatshylyǵynyń málimetinshe, otbasynda kúıeýi men áıeli jáne olardyń 5 jastaǵy balalarynyń deneleri tabylǵan. Bul jaǵdaı týraly quqyq qorǵaý organdaryna otbasynyń  kórshileri habarlasyp aıtqan.

Oqıǵa ornyna kelip jetken polısıa úsh adamnyń máıitin tapqan. Belgili bolǵandaı, ol  kúıeýi men áıeliniń (1976, 1983 jyly dúnıege kelgen) jáne uldarynyń (2012 jylǵy) deneleri bolyp shyqqan. Zertteý kezinde bul qylmys emes ekeni anyqtaldy, sebebi urlyqtyń, zorlyqtyń izderi tabylmaǵan.

Quqyq qorǵaý organdary otbasynyń jylytý peshiniń gazynan ýlanǵan bolýy múmkin degen boljam jasap otyr. «Sot-medısınalyq saraptama nátıjesi boıynsha qaza tapqandardyń óiliminiń sebebi anyqtalatyn bolady»-delindi OQO İİD baspasóz-hatshylyǵynyń jetekshisi Saltanat Qarakózova.