Túrkıanyń memlekettik TRT Avaz telearnasyndaǵy Eko Avaz baǵdarlamasynyń prodúseri, Guru Medya H.E baspa tobynyń basshysy Reseıdiń burynǵy Túrkıadaǵy elshisi Andreı Karlovtyń ólimine qatysy bar degen kúdikpen ustaldy dep habarlaıdy Qamshy.kz aqparat agenttigi Sabah gazetine silteme jasap.

H.E Ankara sotyna jetkizilgen. Prokýror Adem Akyndjı odan jaýap aldy. Sot kúdiktini qamaýǵa alý týraly sheshim shyǵardy. Oǵan «elshiniń ólimin uıymdastyrdy» degen aıyp taǵylǵan.

Buǵan deıin Túrkıada tóńkeris jasamaq bolǵan dep aıyptalǵan Fethýllah Gúlenge qatysty Ystanbulda júrgizilgen tergeý jumystary kezinde odan birneshe márte jaýap alǵan.

Aıta keteıik, 2016 jyl 19-shy jeltoqsanda Ankaradaǵy foto kórmeniń ashylýynda Reseıdiń Túrkıadaǵy elshisin atyp óltirdi. Shabýyldy Mevlút Altyntash esimdi polısıa qyzmetkeri jasady.