Halyqaralyq ýran naryǵy turaqsyzdyqqa tústi. Keıbir elderde atom elektr stansıalarynyń qalypty jumys isteýi úshin otynnyń jetkiliksiz bolý múmkindigi týyndady, al AES jumysyndaǵy tehnologıalyq aqaýlar óte qaýipti, dep jazady Qamshy.kz aqparat agenttigi. Álemge osyndaı daǵdarystardy boldyrmaıtyn az baıytylǵan ýran bankin qurý qajet boldy. Sózsiz, osyndaı bank tek tek beıbit elde ornalasý kerek. Sebebi ol jerde eshkim osy otyndy atom bombasyn óndirý úshin paıdalana almaıdy.

Qazaqstan ıadrolyq qarýdan óz erkimen bas tartqan memleket. Bul sheshim 1992 jyly qabyldandy. Biz eshkimge qaýip tóndirmeıtin beıbit elmiz. Sonymen qatar, Qazaqstan atom ónerkásibinde mol tájirıbege ıe.

Úlbi metalýrgıalyq zaýyty Keńes dáýirinen beri atom elektr stansıalaryna otyn daıyndap, KSRO atom ónerkásibiniń damýyna mol septigin tıgizdi. Sondyqtan Atom energıasy jónindegi halyqaralyq agenttik osyndaı banktiń bizdiń respýblıkamyzdyń aýmaǵynda ornalasýyn qoldady.

2015 jyldyń sáýir aıynda Qazaqstan Úkimeti az baıytylǵan ýran bankin ornalastyrý týraly Atom energıasy jónindegi halyqaralyq agenttikpen jasalǵan kelisim jobasyn maquldady. Osy kezde qala turǵyndarynyń Óskemende ıadrolyq qaldyqtardyń úıindisi bolatyndyǵy ýaıymy bosqa boldy. Sebebi bankke ÚMZ-da kún saıyn óndiriletin ýrannan basqa, qaýiptiligi áldeqaıda az jańa otyn ornalastyryldy. Sóıtip, Úlbi metalýrgıalyq zaýyty Atom elektr stansıasyna arnalǵan álemdik otyn qory saqtalǵan jerge aınaldy. Bul Qazaqstan úshin óte bedeldi joba bolsa, óskemendikterge jańa jumys oryndary boldy.

2017 jyldyń tamyz aıynda Nursultan Nazarbaev Astanada telekópir arqyly Óskemen qalasynda az baıytylǵan ýrannyń álemdik bankin ashty.

Irına Plotnıkova