1986 jyly Nursultan Nazarbaev Qasaq SSR-i Mınıstrler Keńesiniń Tóraǵasy boldy. Ol sol kezde odaqtas respýblıkalardyń ishindegi "premer-mınıstrlerdiń" eń jasy edi, dep jazady Qamshy.kz aqparat agenttigi.
1986 jyldyń aqpan aıynda ótken Qazaqstan Komýnıstik partıasynyń XVI sezinde Nazarbaev Dinmuhammed Qonaevtan keıin baıandama jasady. Jas, ári belsendi premer-mınıstr respýblıkadaǵy jaǵdaıdy erekshe synǵa aldy. Ol respýblıkanyń odan ári damýy úshin josparly kórsetkishterdiń oryndalmaýyn jasyrmaýdy aıtyp, tamyr-tanystyq pen sybaılas jemqorlyqqa jol bermeýge shaqyrdy.
Óz baıandamasynda ol oblystarǵa qajetti qurylystardyń ornyna kereksiz ǵımarattardyń salynýy syndy jospardan tys júrgiziletin qurylys jumystaryn synady. Mundaı jaǵdaı sol kezde Shymkent, Qaraǵandy jáne Shyǵys Qazaqstan oblystarynda erekshe baıqalatyn.
Bul synnan soń jas reformatordyń basyna qara bult úıirildi. Degenmen, ol ár máseleniń basyn ashyp, shyndyqty aıtý jolynan taıǵan joq.
