Balı araldaryndaǵy Agýng janartaýyna jaqyn jerde turatyn turǵyndar májbúrli túrde evakýasıalanýy múmkin. Sebebi olardyń kópshiligi óz úılerin tastap úlgermegen. On myńdaǵan adamdar janartaý atqylanýy týraly eskertpelerge qaramastan áli de qaýipti aımaqtan ketpeı otyr. Bul týraly BBC habarlaıdy.

Jergilikti turǵyndar atalǵan aımaqta asa qorqynyshty qaýip joq dep eseptese, endi bireýler mal-jaılaryn tastap kete almaı otyr.

Aral áýejaıy jabylyp qalǵan. Sonyń saldarynan myńdaǵan týrıser tanymal araldan kete almaı otyr. Agýng janartaýynan 3400 bıiktikke deıin kúl kóterilip, ot jalyny shyǵyp jatyr.

Stıhıalyq apattar máselesimen aınalysatyn ulttyq basqarma janartaýdyń atqylaýy  sózsiz oryn alady degen málimdeme jasady.

Janartaýdyń betinde balqyǵan suıyq lava kórinip tur deıdi ǵalymdar. Alaıda, onyń naqty qaı ýaqytta atqylaýy múmkin ekeni belgisiz.