Demı-Lı Nel Pıters - bıylǵy Las-Vegasta 66-shy ret ótken halyqaralyq sulýlyq baıqaýynyń jeńimpazy. Ońtústik Afrıka Respýblıkasynyń turǵynyn "álemdik sulýlyq" saıysyn uıymdastyrýshylary ózderiniń Twitter paraqshasynda ystyq yqylaspen álem arýlarynyń qataryna qosylýymen quttyqtap, jazba qaldyrdy.

Let’s welcome #MissUniverse 2017 Demi-Leigh Nel-Peters from South Africa to the sisterhood! ? pic.twitter.com/Sw0SDQZjOJ

— Miss Universe (@MissUniverse) November 27, 2017

Oǵan qosa, 2017 jyldyń álem sulýlarynyń úshtigine ıamaıkalyq Davına Bennet jáne kolýmbıalyq Laýra Gonsales endi. Al bizdiń eldi "Almaty arýy 2016" baıqaýynyń jeńimpazy, 19 jastaǵy Kamıla Asılova tanystyrdy. "Álem arýy" ataný úshin jer sharynyń túkpir-túkpirinen kelgen 92 sulý baq synady.

Qazaqstandy álemge tanystyrǵan sulý Kamıla Asılova

22 jastaǵy ońtústik afrıkalyq sulý baıqaýda áıelderdiń ózin-ózi qorǵaý máselesin kóterip, qazylar alqasyn aq júregimen, janashyrlyǵymen áıelder máselesin qanshalyqty biletindigimen tań qaldyrdy.

Sonymen qatar, Demı-Lı jalt-jult etken táj kıip, rıasyz kúlkisin pash etken birneshe sekýnd ishinde jankúıerlerdiń "Álem arýy" jaıynda, onyń qalaı bul ataqqa ıe bolǵandyǵyna asa qatty qyzyǵýshylyq tanyta bastaǵany haq.

The next #MissUniverse is... SOUTH AFRICA! pic.twitter.com/GxlFcdJnV5

— Miss Universe (@MissUniverse) November 27, 2017

"Sulýlyq álemdi qutqarady" demekshi, Qamshy.kz aqparat agenttigi "Álem arýy jóninde" siz bilý kerek bes nárseni nazaryńyzǵa usynady!

1. Demı-Lı Nel-Pıters "Álem arýy" tarıhynda 1978 jyldan beri Ońtústik Afrıkadan qatysyp, jeńimpaz atanǵan ekinshi arý. Ol Margaret Gardıner esimdi áıelden keıingi ekinshi Ońtústik Afrıka maqtanyshy. Demı-Lı Afrıka kontıngentine jarqyraǵan táj ben zor maqtanyshty alyp keldi.
2. Demı-Lıdiń baıqaýda áıelderdiń ózin-ózi qorǵaý máselesin kóterýi jeke basynan ótken oqıǵaǵa baılanysty týyndaǵan. Ol «Ońtústik Afrıka» arýy ataǵyn jeńip alǵannan keıin bir aı ótken soń urlanǵan jáne oǵan qarý kezelgen. Bul jaǵdaı ol úshin ómirlik tájirıbe boldy. Onyń bastamasy- áıelderge ózin-ózi qorǵaýdy jáne kerekti daǵdylarmen qamtamasyz etip, joǵaryda atalǵan oqıǵaǵa uqsas jaǵdaıdy boldyrmaý úshin iske asty.   
3. Óziniń óte az da bolsa bos ýaqytynda Demı-Lı gólf oınaǵandy unatady. Instagram-da sport zalynan túrli jattyǵýlar jasaý sátin jarıalap turǵanmen, sulý bıkesh boıdy tynyshtandyratyn kók shópte gólf oınaǵandy bárinen de qatty jaqsy kóredi eken.
4. Ol jaqynda ǵana JOO -n támamdaǵan: Nel-Peters Ońtústik-Afrıkadaǵy Soltústik-Batys ýnıversıtetinen kásipkerlik mamandyǵyn meńgergen.

 

The guy next to me said, "It's good for an amateur"." ?... I haven't played in months, but still fall in love with this game every time. #golf

A post shared by Miss Universe 2017 (@demileighnp) on Jul 18, 2017 at 8:13am PDT

5. Demı-Lıdiń eń basty yntalandyrýshysy onyń 10 jastaǵy sińlisi Franje: "Meniń sińlim dúnıege jarymjan bolyp keldi jáne onyń múmkindigi tolyǵymen shekteýli. Ol meniń ómirimdegi eń úlken ynta-jiger men shabyt berýshi, ol arqyly men ómirdiń qanshalyqty erekshe ekenin túsinemin jáne ol úshin árdaıym eki ese aýyr jumys istegim keledi", deıdi Demı-Lı.