Almatydaǵy Respýblıka saraıynda 2017 jyldyń 10 jeltoqsanynda  Astananyń 20 jyldyǵyna oraılastyrylǵan «Astana – Ardaǵym» atty is-sharada syılyqtar tapsyrýdyń saltanatty rásimi ótedi, dep jazady Qamshy.kz aqparat agenttigi. 

«Astana – Ardaǵym» merekelik syılyǵymen  Astananyń qalyptasýyna úles qosqan jáne Prezıdenttiń elimizdiń bas qalasyn kóshirý týraly sheshimine barynsha qoldaý kórsetken, ómiriniń basym bóligin Almaty qalasynda ótkizgen almatylyqtar men qaıratkerler marapattalady.

Syılyq 20 nomınasıa boıynsha belgilengen, olar: bilim men ǵylym, sáýlet pen qurylys, densaýlyq saqtaý, sport, óner kınematografıa, jýrnalısıka, ádebıet salalary, shara birneshe kezeńderden turady, ıaǵnı nomınanttar usynylady, qalalyqtar elektrondy túrde daýys beredi onyń qorytyndysy boıynsha márege 20 fınalıst shyǵady, jeńimpazdar marapttalady.

İrikteý konkýrstyq komısıanyń qatysýymen  ınternet arqyly ashyq daýys berýmen bıylǵy jyldyń 1 jeltoqsanynan bastap  jumysyn bastaıtyn arnaıy saıtta 2017 jyldyń 5-8 jeltoqsan aralyǵynda  júzege asady.

Sharany 10 jeltoqsanda ótkizý tekke alynyp otyrǵan joq, óıtkeni 1997 jyldyń  dál osy kúni - 10 jeltoqsanda Memleket basshysynyń sheshimimen astanany  resmı kóshirý bastalǵan bolatyn.

Aıta keterligi,«Astana – Ardaǵym» syılyǵy 2018 jyldyń 6 shildesine deıin astananyń mereıli merekesine oraı ótetin alqaly sharalardyń alǵashqysy bolyp sanalady.