Semeıdegi «Roza» kıiz basý fabrıkasy «Altyn sapa» syılyǵyna usynylyp otyr, — dep jazady Qamshy.kz aqparat agenttigi. Kásiporyn qurylǵan sátten bastap kóptegen ózgeristerge, daǵdarystar men reformalarǵa tap boldy. Alaıda, kompanıa bul qıyndyqtarǵa qaramastan kóptegen jetistikterge jetti – ónimderi Respýblıkada ǵana emes, TMD elderinde de suranysqa ıe.

«Roza» JK-i 1991 jyly dánekerleý apparaty bazasynda negizin qalaǵan. Alty jyldan keıin «Roza» JK «Kıizden jasalǵan buıymdar» ujymdyq kásipornyn satyp alady. Kásiporyn syn kótermeıtin jaǵdaıda edi: óndiris tehnologıasyn ózgertip, sehtardy qaıtadan jóndeýden ótkizip, jabdyqtardy jóndeý jáne aýystyrý jumystaryn júrgizý qajet bolǵan.

Qysqa bolǵanmen kásiporyn úshin óte qıyn ýaqytta «ROZA» JSHS-i úlken jetistikke qol jetkizip, alǵa qoıǵan maqsat pen mindetterdi oryndady. 1999 jyly kásiporyn joǵary sapaly tutyný taýarlary óndirisi úshin dıplom jáne estelik medalimen marapattaldy.

Búgingi tańda «ROZA» kıiz basý kombınatynyń ónimderi reseılik kásiporyndarmen ǵana emes, sheteldik kásiporyndarmen de básekelesedi. Kompanıa ártúrli kıiz aıaqkıimder, ultaraq, baskıimder men qolǵap, dánekerleýshiler men bolat qorytýshylarǵa arnalǵan jumys kıimderin shyǵarady. Óndirister men mal sharýashylyǵy nysandaryn, avtokólik, qubyr jelisin jylylaýǵa arnalǵan tehnologıa men ónimderdi shyǵarý únemi jetildirilip otyrady.

Búgingi tańda básekege qabilettilikti arttyrý úshin kásiporynda ónimderdiń jańa túri shyǵarylady.

«Úzdik taýar SHQO – 2015» nomınasıasy boıynsha «Roza» kıiz basý kombınaty talmaı eńbek etýdiń nátıjesinde eń úzdik kásipker dep tanyldy.