QR Ulttyq Bank 2017 jylǵy 22 qarashadan bastap 2017 jylǵy úlgidegi dızaıny ózgertilgen nomınaldyq quny 500 teńgelik banknottardy aınalysqa shyǵardy. Aınalymǵa engen jańa 500 teńgelik banknotty búgin Óńirlik komýnıkasıalar qyzmeti alańynda ótken brıfıńte QR Ulttyq banki BQO fılıalynyń dırektory Qozybaq Ábýuly Qulbaraqov tanystyrdy.

Onyń aıtýynsha, jańa banknottyń dızaıny aınalystaǵy «Qazaq Eli» serıasynyń aqsha belgilerimen biryńǵaı stılde – bet jaǵynda basym túrde tiginen beıneler, al syrt jaǵynda kóldeneń túrinde beıneler oryndalǵan. Basym túsi – kógildir - kók. Banknottyń ólshemi – 130h62 mm. Banknottyń oń jaǵynda «Qazaq Eli» monýmenti jáne ortasynda tómengi bólikte ushyp bara jatqan kógershinder keltirilse, joǵary bóliginde, ortasynda jáne sol jaǵynan Qazaqstan Respýblıkasynyń memlekettik rámizderi: memlekettik eltańba jáne memlekettik tý beınelengen. Sol jaqta tómende jáne joǵary jaqta nomınaldyń sıfrlyq beınelenýi, sol jaqta ortasynda nomınaldyń memlekettik tildegi áriptik beınelenýi ornalasqan. Joǵary sol jaq buryshynda «QAZAQSTAN ULTTYQ BANKİ» degen jazba, onyń astynda qoldan jasaǵany úshin jaýapkershilik týraly eskertetin «Banknottardy qoldan jasaý zańmen qýdalanady» degen memlekettik tildegi jazba ornalasqan.

Banknottyń syrt jaǵyndaǵy negizgi belgisi– Kaspıı teńizi, onyń artynda – Qazaqstan kartasynyń beınesi. Sol jaǵynda tómende jáne oń jaǵynda joǵaryda banknot nomınalynyń sıfrlyq beınelenýi, al tómende ortasynda – orys tilindegi áriptik beınelenýi ornalasqan. «Poddelka banknot presledýetsá po zakoný» degen jazba banknottyń sol jaq buryshynda ornalasqan.

2006 jylǵy úlgidegi jáne 2017 jylǵy úlgidegi nomınaly 500 teńgelik banknottardyń qatar qoldanylý kezeńi 2017 jylǵy 22 qarasha – 2020 jylǵy 10 maýsym bolyp belgilendi jáne «2006 jylǵy úlgidegi jáne 2017 jylǵy úlgidegi nomınaly 500 teńgelik banknottardyń qatar aınalysta bolý kezeńin belgileý týraly» Qazaqstan Respýblıkasy Ulttyq Banki Basqarmasynyń 2017 jylǵy 2 qarashadaǵy № 207 qaýlysyna sáıkes júzege asyrylady.

- 2006 jylǵy úlgidegi jáne 2017 jyldyń úlgidegi nomınaly 500 teńgelik banknottar 2020 jyldyń 20 maýsymyna deıin Qazaqstan Respýblıkasynyń búkil aýmaǵynda zańdy tólem quraly bolyp tabylady jáne tólemder men aqsha aýdarymdarynyń barlyq túrleri boıynsha qabyldanýǵa mindetti.

Zańdy tólem quraly bolyp tabylatyn banknottar men monetalardy qabyldaýdan bas tartý Ákimshilik quqyq buzýshylyqtar týraly Qazaqstan Respýblıkasynyń kodeksine sáıkes ákimshilik quqyq buzýshylyq bolyp tabylady,-dedi Q.Qozybaqov.