Qazaqstan Respýblıkasy Mádenıet jáne sport mınıstrliginiń «Qazaqkonsert» memlekettik konserttik uıymy Memleket basshysy N.Á.Nazarbaevtyń «Bolashaqqa baǵdar – rýhanı jańǵyrý» maqalasynda kórsetilgen jobalardy júzege asyrý úshin júıeli jumystar atqaryp keledi. Ulttyq bolmystyń ózegi bolyp sanalatyn qazaqstandyq mádenıetti álemge tanytý úshin Elbasy «Jahandaǵy zamanaýı qazaqstandyq mádenıet» jobasyn usynǵany barshamyzǵa aıan.

Otandyq mádenıettiń zamanaýı beınesin ashyp, onyń álemdik arenaǵa jol tartýyna oń yqpal etý jáne joǵaryda atalǵan iri mádenı jobany iske asyrý maqsatynda, QR Mádenıet jáne sport mınıstrliginiń qoldaýymen «Qazaqkonsert» memlekettik konserttik uıymy jáne Respýblıkalyq nemis drama teatry 2017 jylǵy jeltoqsan aıynda Eýropa memleketteriniń astanalarynda úlken gastróldik týrne ótkizýdi josparlaýda. «Qazaqkonsert» memlekettik konserttik uıymynyń «Astana Musical» teatry elimizdiń rýhanı qundylyqtaryna aınalǵan halyq ánderi men halyq kompozıtorlarynyń shyǵarmalary, ulttyq operamyz ben klasıkalyq mýzykamyzdyń injý-marjandary negizinde dala teatrynyń elementterin paıdalana otyryp «Uly Dala teatry» ataýymen "Qyz Jibek" etno-folklorlyq múzıklin usynady. Al Respýblıkalyq nemis dramy teatrynyń ártisteri qazaq ulttyq dramatýrgıasynyń shyńy – M.Áýezovtyń «Qaragóz» spektaklin nemis tilinde kórsetedi. (qoıylymdar fransýz,nemis,aǵylshyn, orys tilderinde sýbtıtrmen júredi)

Úlken gastróldik týrdyń marshrýty iri mádenı ortalyqtarǵa aınalǵan kelesi qalalardy qamtıdy:Berlın (Germanıa) –– Parıj (Fransıa) - Kann (Fransıa) – Vena (Avstrıa)-Brússel (Belgıa) - Máskeý (Reseı).

Qazaqstandyq ártisterdiń halyqaralyq gastrólderi «Jahandaǵy zamanaýı qazaqstandyq mádenıet» jobasyn iske asyrýǵa zor úles qosyp, otandyq mádenıetti álemge Birikken ulttar uıymynyń alty tilinde tanystyrýdyń ońtaıly tásiline aınalatynyna senimdimiz.