Parlament senatynyń depýtaty Darıǵa Nazarbaeva qazaqstandyqtarǵa Tuńǵysh prezıdent kúnin otbasymen birge tabıǵat aıasynda atap ótýge keńes berdi, dep jazady Qamshy.kz aqparat agenttigi Spýtnık Qazaqstan málimetine súıenip. 

"Otbasymen birge tabıǵat aıasynda atap ótý kerek. Bıyl aýa raıy tamasha, tipti Astanada da kúz erekshe jyly, bárińiz baıqaǵan bolarsyzdar. Qar áli az. Aýa raıy bizdi erkeletip júr. Balyqshylar ózenniń qatýyn asyǵa kútken sekildi, muz onsha qalyń bolmasa da, qaýmalap, balyq aýlap jatady. Balyqshylar qaýipke bas tigip júrgenin aıtqanymyz jón", — dedi Nazarbaeva.

Senatordyń aıtýynsha, bala-shaǵa, jaqyn-jýyǵyńmen birge tabıǵatta kóbirek demalǵan durys. 

"Bul shynymen de boıyńyzdaǵy qýatty arttyryp, kóńil-kúıińizdi kóteredi. Onyń ústine, ottegi jetispeı júretini de ras. Tabıǵat aıasynda kúnine neshe saǵat bolasyz? Sol sebepti osy múmkindikti paıdalanyp, otbasylyq qarym-qatynasyńyz ben densaýlyǵyńyzdy nyǵaıtyńyz", — dep keńes berdi senator.

Sóz sońynda Darıǵa Nazarbaeva qazaqstandyqtardy alda kele jatqan merekemen quttyqtady.