Shyǵys Qazaqstan oblysy respýblıkada «Rýhanı jańǵyrý» qoǵamdyq sanany jańǵyrtý baǵdarlamasyn iske asyrý boıynsha kóshbasshy bolyp tur. Bul týraly 2017 jyldyń 13 qarashasynda «Rýhanı jańǵyrý» baǵdarlamasyn iske asyrý jóninde ardagerler keńesiniń qatysýymen ótken dóńgelek ústelde aıtyldy.
«Rýhanı jańǵyrý» qoǵamdyq sanany jańǵyrtý baǵdarlamasyn iske asyrý jónindegi suraqtar boıynsha «Rýhanı jańǵyrý» jobalyq keńse qyzmetiniń SHQO boıynsha jetekshisi Olga Shabalına sóz sóıledi. Ol osyndaı teńdessiz baǵdarlamanyń oryndalýyn qarajat bólý sıaqty burynǵy krıterııler men ındıkatorlar boıynsha baqylaý múmkin emes ekendigin atap ótti, óıtkeni rýhanılyq pen patrıotızm aqshamen ólshenbeıdi. Sol sebepti qoǵamdyq sanany jańǵyrtý baǵdarlamasyn iske asyrý úshin jobalyq tásil tańdaldy.
QR Prezıdenti Nursultan Ábishuly óz sózinde 6 arnaıy jobany atap ótti. Bizdiń oblysta 61 aımaqtyq joba jumys isteıdi. Bul jobalar respýblıkalyq tizilimge engizildi. Sarapshylardyń arnaıy keńesi olardyń júzege asyrylýyna qoǵamdyq baqylaýdy júzege asyrady. Olga Sergeevna Respýblıka boıynsha teńdesi joq jobalardyń biri retinde SHQO ákimi Danıal Ahmetovtyń bastamasymen júzege asyrylǵan úsh tilde bilim berý jobasyn atady. «Bul joba óz máresine jetken kezde basqa oblystaǵylar bizden úırenetin bolady» dedi ol.
Búgingi tańda Shyǵys Qazaqstan men Aqtóbe oblysy bólingen qarajat kólemimen ǵana emes, maqsattyń aıqyndyǵy men negizgi kórsetkish boıynsha baǵdarlamany iske asyrý jóninde kóshbasshy bolyp tabylatynyn aıta ketý kerek.
