Bıyldyń ózinde Semeıde eki birdeı bilim shańyraǵy boı kóterdi. Solardyń biri Qazaqstan Respýblıkasynyń Tuńǵysh Prezıdenti kúni ashyldy. 1-jeltoqsan merekesin aımaq basshysy Danıal Ahmetov semeıliktermen birge qarsy aldy. Kezekti ret áýejaıdy qaıta qurý jumysymen tanysyp, «Ushaqtar» kenti oqýshylarynyń qýanyshyna ortaqtasty, dep jazady Qamshy.kz aqparat agenttigi.
Danıal Ahmetov tusaýyn kesken jaratylystaný-matematıka baǵytyndaǵy mektep 1200 orynǵa shaqtalǵan. Zaman aǵymyna, standart talabyna saı boı kótergen oqý orny jańa modıfıkasıa synyptarymen jabdyqtalǵan. Keshendi ınteraktıvti quraldar ornatylyp, hımıa, bıologıa, fızıka jáne ınformatıka kabınetteri jaqsartylǵan. Aımaq basshysy Danıal Ahmetov álemniń basqa memleketterimen salystyrǵanda, Qazaqstanda mektepter emes, naǵyz saraılar salynyp jatqanyn erekshe atap ótti.
– Men kóptegen elderde boldym. Ondaǵy mektepter men balabaqshalardyń jaǵdaıymen jaqyn tanyspyn. Kózim kórgeni, balalar qarapaıym jaǵdaıda bilim alyp jatyr. Tipti, tamaqtaný úshin qolaıly oryn qarastyrylmaıdy. Máselen, osy mektep pen bizdiń eldegi ózge de áleýmettik mańyzdy nysandarmen salystyrýǵa da kelmeıdi. Erekshelikti otandastarymyzdyń bári birdeı kóre almaıtyny ókinishti, árıne. Biraq, men bizdiń memlekettegi mektepter keremet týyndy, naǵyz saraılar dep úlken senimmen aıta alamyn, - dedi SHQO ákimi Danıal Amhetov.
Mektepte tek bilim alyp qana qoımaı, balalardyń jan-jaqty damýlary úshin de barlyq jaǵdaı jasalǵan. Sporttyq jáne gımnastıkalyq qurylǵylary bar eki sport zal jumys isteıdi. Odan bólek, fýtbol men basketbol alańdary da oqýshylardyń bos ýaqytyn tıimdi ótkizer jerge aınalmaq. Al qyzdar men uldarǵa arnalǵan sheberhanalar mata, aǵash jáne metal óńdeýge arnalǵan sońǵy tehnologıadaǵy quraldarmen jabdyqtalǵan.
