Shetpe-Beıneý tas jolynda bir kúnde eki kólik apaty oryn alyp, sonyń saldarynan tórt adam kóz jumdy. Bul týraly Mańǵystaý oblysy İİD baspasóz qyzmetiniń jetekshisi Jazıra Ábil habarlady, dep jazady Qamshy.kz aqparat agenttigi.
Jol apaty 1 jeltoqsanda bolǵan. 8:-30-da Toyota Camry kóligi men Volvo júk kóligi soqtyǵysqan.
«Jeńil kólik avtojoldyń 210-shaqyrymynda qarsy jolaqqa shyǵyp ketip, fýraǵa soǵylǵan. Toyota Camry kóliginiń 1992 jyly týǵan júrgizýshisi men 1951 jáne 1964 jylǵy jolaýshysy qaza tapty. Júk kóliginiń júrgizýshisi ajaldan aman qaldy», - dedi Jazıra Ábil.
Keıinirek osy jolda ekinshi jol apaty oryn aldy.
«Renault kóliginiń júrgizýshisi qarsy jolaqqa shyǵyp ketip, Lada Largus kóligine soǵylǵan. Apattan Lada-nyń bir jolaýshysy ajal qushty. Qalǵandary aman», - dedi Mańǵystaý oblysy İİD baspasóz qyzmetiniń jetekshisi
QR QK 345-baby 4-bóligi boıynsha sotqa deıingi tergeý júrgizilip jatyr. Sot-medısınalyq saraptama taǵaıyndaldy.
