Buǵan deıin arnaıy ruqsat qaǵazdaryn rásimdeý jumystary sheteldik týrıserdiń aımaqtyń shekaralas aýdandaryna kelýine birshama shekteý qoıdy. Oblys basshylyǵy óńirdegi halyqaralyq týrızmdi damytý maqsatynda kóshi-qon shekteýlerin alyp tastaýdy usyndy. Bul bastamanyń búgingi jaı kúıin 2017 jyldyń 29-shy qarashasynda Astanadaǵy Ortalyq komýnıkasıalar qyzmetinde ótken brıfıńke qatysqan Shyǵys Qazaqstan oblysynyń ákimi Danıal Ahmetov aıtyp berdi, dep jazady Qamshy.kz aqparat agenttigi.
Endi sheteldik týrıser kóshi-qon polısıasynda kóp ýaqyttaryn joǵaltpaı Katonqaraǵaı aýdanynyń shekaralas jerleri men Marqakólge bara alady. Alynǵan shekteýler Katonqaraǵaı ulttyq parki men Marqakól tabıǵı qoryǵyndaǵy ekologıalyq týrızmniń damýyna oń septigin tıgizbek. Sondaı-aq, aımaq basshysy SHQO Alakól jaǵalaýynda Qytaı Halyq Respýblıkasymen shekaralas týrısik yntymaqtastyqty qurý bastamasy memleket tarapynan qoldaý tabady dep úmittenetinin málimdedi. Bul baǵytty damytý qytaılyq týrıserdiń arnaıy ruqsat qaǵazdaryn rásimdeýin birshama jeńildetpek.
Óńir basshylyǵy osy máseleni jaqyn arada syrtqy ister, mádenıet jáne sport mınıstrlikterimen talqylaýǵa nıetti.
