Smart-mektep – bilim salasyndaǵy ınovasıa. SHQO ákimi Danıal Ahmetov atqarýshy organdarǵa Shyǵys Qazaqstan oblysyndaǵy mektepterde osy jobanyń iske asyrylýyn qadaǵalaýdy tapsyrdy. Onyń maqsaty oqýshylardyń qaýipsizdigin qamtamasyz etý jáne mekteptegi úderisterdi avtomattandyrý bolyp tabylady.

Ol úshin qaladaǵy barlyq orta bilim berý ordalaryna uıǵarylǵan beıneni naqty ýaqyt rejıminde kórýge arnalǵan, sondaı-aq ótip jatqan jaǵdaıdy avtomatty túrde jazyp alyp, beınejazbany kórsetetin jáne saqtap alatyn beınebaqylaýdyń erekshe júıesi ornatylý kerek. Bul júıe mektep ǵımaratyna kirýdi baqylap, ata-analardy oqýshynyń sabaqqa kelýin SMS habarlama arqyly avtomatty túrde aqparattandyryp turady.

Budan bólek, oqýshylar onyń kómegi arqyly túski as aqysyn tólep nemese kitaphanadan kerekti kitabyn alýǵa múmkindik beretin smart-kartany ıelenýi kerek. Buǵan qosa oqýshynyń taǵam mólsheri týraly aqparat onyń Jeke kabınetinde kórsetilip turady. Ata-analar oǵan jeli arqyly kirip, balanyń sabaqqa qatysýy, keshigip kelýiniń sany, kitaphana qorymen qanshalyqty jumys istegeni týraly statısıkany kórip, asqanaǵa ketirgen shyǵynyn qadaǵalaı alady.

Bul joba «Aqyldy qala» baǵdarlamasynyń bir bólshegi bolyp tabylady.

Ázirshe Shyǵys Qazaqstanda mektep úderisterin avtomttandyrý boıynsha alǵashqy qadamdar jasalyp jatyr. Sonyń ishinde Astana qalasyndaǵy №15 men №3 lıseılerde pılottyq rejımde aprobasıa jasalyp jatqan Smart-mektep júıesiniń jumys tájirıbesi zerttelýde. Qazirdiń ózinde alǵashqy jaǵymdy qorytyndylary anyqtalýda.