Ortalyq Azıanyń Eýrazıa Qory jáne Taldyqorǵan quqyq qorǵaý ortalyǵy Eýropalyq Odaqtyń qoldaýymen júzege asyryp jatqan «Qazaqstandaǵy osal toptarǵa zańgerlik kómek kórsetý júıesin jetildirý» jobasy boıynsha júrgizilgen zertteý nátıjelerine arnalǵan pres-konferensıa ótti dep habarlaıdy Qamshy.kz aqparat agenttigi.

Zertteý áleýmettik osal toptardyń (qıyn ómirlik jaǵdaıdaǵy áıelder, kámeletke tolmaǵandar, balalar úıleriniń túlekteri, jazaǵa kesilgender) kepildendirilgen memlekettik zańgerlik kómekke qol jetimdiligine kedergilerdi anyqtaý men saraptaý maqsatynda Qazaqstannyń 7 oblysynda júrgizildi: Almaty, Batys Qazaqstan, Jambyl, Qaraǵandy, Pavlodar, Ońtústik Qazaqstan jáne Shyǵys Qazaqstan oblystary.

Zertteý nátıjelerine súıensek, áıelderdiń 65%-y qıyn ómirlik jaǵdaı retinde kúıeýiniń tarapynan kórsetilgen kúsh jumsaýdy kórsetken. Suralǵan balalar úıi túlekteriniń jartysynan astamy (55%) baspana, zeınetaqy, járdemaqy alý jáne muragerlikke ený máseleleri boıynsha tegin quqyqtyq kómekke qajettilikterin atap ótti. Zertteý jazaǵa kesilgenderdiń basym kópshiligi (62%) bas bostandyǵynan aıyrý oryndarynda túrli quqyqtyq máselelerdiń sheshilýine zárý ekendigin anyqtap berdi.

«Bilikti zańgerlik kómek alý quqyǵy - negizgi ári kúrdeli másele. Bilikti zańgerlik kómektiń barlyq azamattyq toptarǵa, ásirese, osal toptarǵa qoljetimdi bolýy mańyzdy. Osal toptarmen jumys jasap kele jatqan jyldar ishinde men MKZK qazirgi júıesiniń jetilmegendigine jıi tap bolýdamyn. Bizge osal toptaǵy adamdardyń sot ádildigine qol jetimdiligine keltiriletin kedergilerdi zertteý jáne olardyń qanshalyqty kómekke zárý ekendikterin túsiný mańyzdy boldy», - dep "Taldyqorǵandyq quqyq qorǵaý ortalyǵy" QQ dırektory Vıktor Ten atap ótti.

Jobanyń negizgi maqsaty osal toptardyń quqyqtaryn qorǵaýdyń tájirıbesi men mehanızmderin jetildirý, sonyń ishinde olardyń qylmystyq jáne azamattyq ádilettilikke tartylǵan jaǵdaılarda memleketpen kepildendirilgen zańgerlik kómektiń (MKZK) sapasy men qoljetimdiligin jaqsartý bolyp tabylady.