Almaty arenada ulttyq mýzykalyq júlde " Jyl tańdaýy" dep atalatyn án merekesi bastalyp ketti, dep habarlaıdy Qamshy.kz aqparat agenttigi.
Arenadaǵy atmosfera...
Saǵat altydan bastalýy kerek konsert qyryq bes mınýtqa keshigip bastaldy. Alǵashqylardyń biri bolyp sahnaǵa shyqqan Gúlnur Orazymbetova "Meniń názik únimdi tyńdasań " dep án shyrqasa, Jiger Aýypbaev "Aldamadyń" dep kórermenderdi qýantty. Uıymdastyrylý jaǵynan az-kem kemshilikter bolǵanymen, kesh óz ornymen jalǵasyp jatyr. Kesh júrgizýshileri - juldyzdy jup Toqtar men Beıbit, Quralaı Anarbekova, Táýekel Múslim, Dáýlet Bıjanov, Nursultan Qurman, Ásel Asqar, Láılá Sultan,Maııa Bekbaeva, Erke Esmahan, Iýsýf Chım.
Ulttyq mýzykalyq júlde kimderge buıyrady? Qazaq shoý-bıznesiniń búgingi deńgeıi qandaı? Osy suraqtardyń jaýabyn búgin biletin bolamyz.
Keshtiń uıymdastyrlýyna halyqtyń kóńili tolmady
Keshti tamashalaýǵa kelgen Ásem esimdi kelinshekpen tildestik. Konsert úshin qyzymen aýyldan kelgen ol 5500 bılet alyp aldanyp qalǵanyna qapa. Sebebi kasırler eń qymbat bıletke eń nashar oryndy satyp jibergen. Olaı deıtinimiz, B2 degen sektor apparattyń qasynda ornalasqan. Bıik apparattan sahnany kórý múmkin emes.
Ásem qyzymen uıymdastyrylýshardy sharq uryp izdegenimen nátıjege qol jetkize almady. Volonterler sharasyz. Eshkim basqa oryn usynbady.
Al Qaırat esimdi almatylyq turǵyn bir aı buryn 5000 teńgege satyp alǵan bıletteriniń búgin 1000 teńgege satylyp jatqanyn kórip qapalanǵan. Keıbir sektorlarynyń ornalasýyna da kóńili tolmaıtynyn jetkizdi.
Eń qyzyǵy, konsertti turyp kórgiń kelse, 2000 teńge beresiń. Uıymdastyrylýshylardyń sózine sensek, bıletter 500 teńgeden bastalady eken. Al eń qymbat bılettiń quny 5500 teńge.
Onyń ústine esimi elge tanys emes ánshiler de kóp. Ázirge Serikbol Saılaýbek, "Melomen" toby, Ǵazızhan Shekerbekovtiń óner kórsetýleri erekshe áser qaldyrdy.
Keshti uıymdastyrýshylar aıtylǵan syndy durys qabyldasa eken deımiz.
Al Qamshy.kz ónerpazdarǵa sáttilik tilep otyryp, alda kele jatqan Táýelsizdik meıramymen barshańyzdy quttyqtaıdy! Ulttyq múdde árqashan ústem bolsyn!
