«Ulttyq agrarlyq ǵylymı-bilim berý ortalyǵy» KeAQ (ári qaraı – «UAǴBO» KeAQ) Dırektorlar keńesiniń sheshimi boıynsha «UAǴBO» KeAQ Basqarma tóraǵasynyń m.a. qyzmetine Dámir Altynbekuly Egizbaev taǵaıyndaldy dep habarlaıdy Qamshy.kz aqparat agenttigi.

Dámir Egizbaev 1980 jyldyń 29 shildesinde Almaty qalasynda týǵan. Svobodnyı ýnıversıtetiniń İskerı basqarý magıstri (MBA), Brússel q. (Belgıa).

Eńbek jolyn 2004 jyly «Tehnologıalar ınjınırıńi men transferti ortalyǵy» AQ menedjerinen bastaǵan. Keıin «Ulttyq ınovasıalyq fond» AQ bas menedjeri, «Tehnologıalar ınjınırıńi men transferti ortalyǵy» AQ departament dırektory, «QazAgroInnovasıa» AQ departament dırektory, «Agroónerkásiptik keshendegi ekonomıkalyq saıasattyń saraptamalyq ortalyǵy» JSHS Bas dırektorynyń orynbasary qyzmetterin atqarǵan.

2009-2011 jj. – «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy orynbasary.

2011-2013 jj. – «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy.

2013-2016 jj. QR BǴM «Tehnologıalar kommersıalızasıalaý ortalyǵy» JSHS Bas dırektory.

2017 jyldyń aqpan aıynan bastap osy ýaqytqa deıin «UAǴBO» KeAQ Basqarma tóraǵasynyń orynbasary qyzmetin atqarǵan.

«UAǴBO» KeAQ ǵylymı zertteýler nátıjeleri men tıimdi tehnologıalardy AÓK engizý jáne joǵary bilikti mamandardy daıyndaý maqsatynda 2015 jyldyń tamyz aıynda Qazaqstan Respýblıkasy Úkimetiniń Qaýlysymen qurylǵan bolatyn. Búgingi tańda Ulttyq agrarlyq ǵylymı-bilim berý ortalyǵynyń quramynda 3 agrarlyq JOO, 31 fılıaldary bar 23 ǵylymı zertteý ınstıtýttary, 7 tájirıbelik sharýashylyqtar, 7 seleksıalyq stansıalar, 4 servıstik kompanıalar bar. «UAǴBO» KeAQ ǵylymı-bilim berý mekemeleri elimizdiń barlyq aımaqtaryn qamtıdy.