Brússel qalasynda Respýblıkalyq akademıalyq Nemis teatry, «Astana Musical» teatry, «Astana sazy» etno-folklorlyq ansambli óner kórsetti dep habarlaıdy Qamshy.kz aqparat agenttigi.

Shyǵarmashylyq ujym óziniń mádenı mindetin úlken jetistikpen atqaryp, Qazaqstannyń ulttyq óneriniń úzdik úlgilerin álemge tanytty. «Uly Dala Teatrynyń» gastróldik saparyn «Rýhanı jańǵyrý» baǵdarlamasynyń aıasynda, Qazaqstan Respýblıkasynyń Mádenıet jáne Sport Mınıstrliginiń qoldaýymen, Eýropanyń bes astanasynda – Parıj, Berlın, Belgıa, Vena jáne Máskeýde óner kórsetip jatyr.

Qazaqstandyq shyǵarmashylyq ujym qazaq jáne álem jaýharlary bolyp sanalatyn úzdik mýzykalyq shyǵarmalardy sahnalady. Bul «Astana sazy» etno-folklorlyq ansambliniń súıemeldenýmen «Astana Musical» teatrynyń «Qyz Jibek» qoıylymy, Nemis teatrynyń qoıylymyndaǵy «Qaragóz» týyndysy sahnalandy.

«Bizdiń Eýropanyń bes iri astanasynda týr jasaýymyz «Uly dala Teatry» ımıjdi jobalarynyń biri bolyp tabylady. Bizdi jyly qabyldap, ónerimizge joǵary baǵa bergen Eýropa kórermeni erekshe qýantady» , - dep atap ótti Nemis teatrynyń jetekshisi Natalá Dýbs.

Sulý Qaragózdiń Syrym aqynǵa mahabbaty týraly ańyz Natalá Dýbs sıaqty talantty rejıserdiń qoılymy arqyly jańa tartymdy sıpatqa ıe boldy. Ol birinshi ret BUU-nyń alty tilderiniń biri nemis tilinde birinshi ret jaryqqa shyqty. Bul týyndynyń kórkemdigi men tereńdigin kúsheıtken Berlın horeografy Florıana Bılbaonyń daıyndaǵan bıi. Spektáklge án jazǵan Germanıa kompozıtory Iayrope.

Synshylardyń pikiri boıynsha, «Qaragózdiń» jańa qoıylymy klasıka janryn súıetin kórermen men jalpy ónerdi baǵalaıtyn jurtshylyqqa erekshe áser etti.

Jas qazaq teatry Brússel turǵyndaryna etno-folklorlyq múzıkl «Qyz Jibek» qoıylymyn syılady. Kórermenderdiń aıtýy boıynsha, qoıylymnyń ulttyq názik hosh ıisi birden seziledi, qazaq mádenıetin aıryqsha erekshelikterimen aıshyqtaıdy.

«Qyz Jibek» – qazaq fólklorynyń injý-marjany. Súıispenshiliktiń ánurany bolyp tabylatyn týyndy – halyqtyń poezıalyq murasynyń barlyq saltanatty ulylyǵyn sińirgen.

«Qyz Jibek» keıipkerleri arqyly biz Eýropada tanylǵan Romeo men Djýlettany kóremiz. Jibektiń beınesi halyqtyń júreginde saqtalǵan sulýlyq, mahabbat pen adaldyqtyń jarqyn beınesi. «Qyz Jibek» ańyzy zamanaýı qazaq qoǵamynyń ortaq murasy bolyp tabylatyn ǵasyrlyq rýhanı jáne adamgershilik qundylyqtardy beıneleıdi.

«Men osy spektákldiń avtorlary men Brússelge alyp kelgen barlyq uıymdastyrýshylarǵa óz alǵysydy jetkizgim keledi. Sondaı-aq, men tanysyp úlgergen barlyq kórermen qaýym atynan da Brússel sahnasynda osyndaı týyndynyń sahnalanýyna úles qosqan uıymdastyrýshylarǵa basymdy ıemin. Ulttyq salt-dástúrli, ulttyq baılyqqa aınalǵan qundylyqtyrdy, ulttyq jettistikterimizdi tanystyrý mańyzdy dep esepteımin. Sizderdiń úlken elderińizdiń baı dástúrlerimen tanysyp, qýanyp jatyrmyz. Bul sóziń qarashyǵyndaı saqtalýy tıis injý dep bilemin. Búgin osyndaı biregeı qoıylymdy tamashalaǵanyma qýanyshtymyn» - dep óz pikirlerimen bólisti mádenıet jáne bilim salasyndaǵy halyqaralyq jobalar qaýymdastyǵynyń basshysy, kórermen Svetlana Popova. 

«Qazaqstan Respýblıkasynyń Mádenıet jáne sport mınıstrligi júzege asyryp otyrǵan «Jahandyq álemdegi zamanaýı qazaqstandyq mádenıet» jobasy qazaqstandyq shyǵarmashylyq jobalar men qazaqstandyq ujymdardyń jańa ıdeıalaryna tyń serpin beredi dep oılaımyn. Bul óz múmkindikterimizdi joǵary deńgeıge kóterý jáne álemge ulttyq mádenıettiń jetistikterin kórsetý úshin tamasha múmkindik», – deıdi «Astana Musical» teatrynyń kórkemdik jetekshisi Asqat Maemırov.