Qazaqstannyń Reseıdegi elshisi Imanǵalı Tasmaǵambetovti Reseı syrtqy ister mınıstrligi marapattady, dep habarlady Qamshy.kz aqparat agenttigi RF SİM baspasóz qyzmetine cilteme jasaı otyryp.

11 jeltoqsanda RF SİM-niń orynbasary Grıgorıı Karasın Imanǵalı Tasmaǵambetovpen kezdesý barysynda "Halyqaralyq yntymaqtastyqqa qosqan úlesi úshin" tósbelgisimen marapattady. 

«Reseı Federasıasy syrtqy ister mınıstriniń sheshimimen yntymaqtas Qazaqstannyń elshisi eki el arasyndaǵy strategıalyq jáne odaqtyq qarym-qatynasty damytýǵa qosqan úlesi, mádenı dıalogty keńeıtýi, sondaı-aq ortaq ıntegrasıalyq birlestikter aıasynda ózara yntymaqtastyǵy úshin osy tósbelgimen marapattalady», — delingen habarlamada.

Aıta ketetin bolsaq, 2017 jyldyń 3 aqpanynda Imanǵalı Tasmaǵambetov Qazaqstannyń Reseı Federasıasyndaǵy tótenshe ári ókiletti elshisi bolyp taǵaıyndaldy.