SHQO ákimdikte aǵymdaǵy jylǵy ishki aýdıt qorytyndylary talqylandy. Aıta ketý kerek, aımaq basshysymen sáıkestik aýdıtten ótkizý úshin 52 nysandy maquldanǵan dep habarlaıdy Qamshy.kz aqparat agenttigi. Kezdesý barysynda oblys ákimi Danıal Ahmetov bul baǵyttaǵy jumystyǵ tıimdiligin atap ótti jáne ary qaraı jetildirýdi tapsyrdy.
Aǵymdaǵy jyldyń 11 aıynda 47 nysanda ishki tekserý ótti. Nátıjesine sáıkes, birqatar mekemede búdjet qarajaty tıimsiz, negizsiz paıdalanylǵany anyqtaldy. Máselen, jyl arnasynda 25 bilim berý mekemesinde 1,1 mlrd. teńge jáne 13 densaýlyq saqtaý uıymynda 3,3 mlrd. teńge mólsherinde qarjylyq buzýshylyqtar anyqtaldy. Tekserý nátıjesinde olar 100% qalpyna keltirilip, 15 málimet ýákiletti organǵa berildi. Aýdıtorlar anyqtaǵan olqylyqtar eskerilip, olardyń qaıtalanýyna jol bermeý úshin arnaıy sharalar qolǵa alyndy.
Jıyn qorytyndysy boıynsha oblys basshysy Danıal Ahmetov buzýshylyqtyń aldyn-alý maqsatynda aýdıtorlyq qyzmetke kóshtiń basynda júrip, jol kórsetýdi tapsyrdy.
- Memlekettik organdarda qujat boıynsha ketken buzýshylyqtardyń sebebi men saldary barlyq basshylarǵa belgili bolýy úshin tekserý júıesin qurastyrý qajet. Onyń nátıjesinde kemshilikterdi boldyrmaýǵa, aldyn-alýǵa múmkindik beretin naqty baǵdarlamany ázirleý kerek. Bul mańyzdy profılaktıkalyq element bolyp sanalady. Sebebi keıde basshylar bilmestikten nemese basqa da sebeptermen buzýshylyqtarǵa jol beredi, - dedi SHQO ákimi Danıal Ahmetov.
Tilge tıek etsek, Shyǵys Qazaqstan ishki aýdıt qyzmetiniń barlyq kórsetkishi boıynsha respýblıkada úzdik. Bul álbette, atalǵan baǵyttaǵy istiń tıimdiligin aıǵaqtaıdy.
