Almatyda ınjenerlik jeliler qaıta jasalǵan soń Ońtústik-SHyǵys qazandyǵy jańardy.
Almaty ákimi Baýyrjan Baıbek jumys sapary barysynda «Almaty jylýkommýnenergo» JSHS-niń jergilikti búdjet esebinen qaıta jańarǵan aýdandyq Ońtústik-SHyǵys qazandyǵyn qarap shyqty. Modernızasıa barysynda qazandyqtyń jylý qýaty 25%-ǵa artty, qala turǵyndarynyń páterlerine jylý turaqty berilip, jańa abonentterdiń qosylýy qamtamasyz etildi.
Almatyda bıylǵy jaz maýsymynda ınjenerlik jelilerdi qaıta jasaý men salý barysynda aýqymdy jumystar júrgizildi, nátıjesinde jalpy uzyndyǵy 761,3 km ınjenerlik júıe jańardy, onyń ishinde 313 km. sý, 266 km. káriz qubyrlary men 150 km. elektr jáne 32,3 km. jylý jelileri qaıta jasaldy.
Sýmen qamtamasyz etý jáne sýdan bólý jelilerin modernızasıalaý barysynda qubyrlardyń tozýy 3%-ǵa, apat 4%-ǵa, shyǵyn 5,2%-ǵa azaıdy.Qalanyń 11 myńnan astam turǵyny sýmen qamtýdyń ortalyqtandyrylǵan júıesine qosyldy.
Qalanyń Ońtústik-SHyǵys qazandyǵyn kúrdeli jóndeýden ótkizý gıdravlıkalyq shyǵyndy azaıtty, kásiporyn qýatyn 168 den 208 Gkal/saǵatqa arttyrdy, tutynýshyǵa jylý berý sapasy artty, sonyń akrqasynda 40 kóppáterli turǵyn úıler jylý jelisine qosyldy.
«1979 iske qosylǵan qazandyqqa alǵash ret aýqymdy rekonstrýksıa jasaldy. Bir jyl boıyna atqarylǵan jumysqa 3 mlrd. teńge bólindi. Qazandyqtyń sýytatyn qubyry, baqylaý- ólsheý qondyrǵylary, avtomatıka, sýdy hımıalyq tazalaý jabdyqtary túgel jańardy. Jıilikti retteıtin energosyıymdy jeli nasostaryn aýystyrý elektr energıasyn únemdeýge qol jetkizdi», - dep baıandady qala ákimine Energetıka basqarmasynyń basshysy Ermek Úsenbaev.
Búgingi kúni Ońtústik-SHyǵys qazandyǵy 70 myńnan astam páterge, 700 zańdy tulǵaǵa qyzmet kórsetedi, qala jylýynyń 9%-ǵa jýyǵyn beredi. Qazandyq gazben jumys isteıdi, aýaǵa tek qyzǵan bý ǵana shyǵarylady.
Aıta keteıik, Almaty qalasynda bıylǵy jaz maýsymynda ınjenerlik jelilerdi qaıta jasaý men salý barysynda aýqymdy jumystar júrgizilgen bolatyn. Nátıjesinde, jalpy uzyndyǵy 761,3 shaqyrym ınjenerlik júıe jańardy. Onyń ishinde, 313 shaqyrym sý, 266 shaqyrym káriz qubyrlary men 150 shaqyrym elektr jáne 32,3 shaqyrym jylý jelileri qaıta jasaldy.
Qalalyq ákimdiktiń málimetine súıensek, sýmen qamtamasyz etý jelilerin modernızasıalaýdan keıin qubyrlardyń tozýy 3%-ǵa, apat 4%-ǵa, shyǵyn 5,2%-ǵa azaıǵan. Qalanyń 11 myńnan astam turǵyny sýmen qamtýdyń ortalyqtandyrylǵan júıesine qosylǵan.
