Túrkistan qalasynda «Áziret Sultan» memlekettik tarıhı-mádenı qoryq-mýzeıi «Esimhannyń eski joly», « Qasymhannyń qasqa joly», «Áz Táýkeniń jeti jarǵysy» dúnıege kelgen kıeli jerde Alashtyń aıbynyn asyrǵan Abylaıdy han kóterip, qazaqtyń qabyrǵaly bıi Qazybektiń jambasy jerge tıgen kóne shahar Túrkistanda aýzy dýaly jaqsylar men jaısańdar, batyrlar men baǵlandar, handar men sultandar rýhyna quran baǵyshtaý maqsatynda  kópshilikke as berdi, dep habarlaıdy Qamshy.kz aqparat agenttigi. 

Igilikti sharaǵa Túrkistan  qalalyq aqsaqaldar alqasy jáne qalalyq ardagerler keńesiniń tóraǵalary men músheleri, qaladaǵy ýnıversıtet jáne kolej basshylyǵy  men ustazdary, zıaly qaýym ókilderi jáne oblysqa qarasty mýzeılerdiń qyzmetkerleri men BAQ ókilderi jáne qala turǵyndary  qatysty.

«El Táýelsizdigi jolyndaǵy  mańdaı ter toly árbir eńbekte- elim, jerim dep ótken tulǵalardyń  orny orasan. Árbir tarıh taǵylymynyń altyndaı aıbyndy betteri qasıetti babanyń izi, sózi, isine toly. Al, olardyń  urpaq balasy baqytyna tilep ótken armany da azat, tynysh, beıbit ómir bolsa, bul kúnniń shýaǵy da, qýaty da ótkendi qurmet tutyp, keleshekke nyq qadam basý, ulylardy ulyqtaý, maqtan etip, bir sátke esten shyǵarmaý»-deıdi, «Áziret Sultan» memlekettik tarıhı-mádenı qoryq-mýzeıiniń basshysy N.Qadyruly.

Jıyn barysynda mýzeı dırektory Túrkistan qalasyndaǵy  áleýmettik jaǵdaıy tómen 10 otbasyǵa mekeme atynan  qarjylaı qaıyrymdylyq kómek kórsetti.

Sonymen qatar, Túrkistan qalalyq máslıhatynyń hatshysy Ǵappar Sársenbaev kópshilikti «Táýelsizdik kúni» merekesimen quttyqtap, jyl kóleminde tórtkúl dúnıege aty áıgili bolǵan «Túrkistan- túrki áleminiń mádenı astanasy» jyly aıasynda ótken is-sharalardy uıymdastyrýǵa etken eńbegi úshin  Halyqarylyq TÚRKSOI uıymynyń bas hatshysy Dúısen Qaseıinovtyń arnaıy alǵys hatymen mýzeı dırektory Ahmetjanov  Nurbolat Qadyrulyn marapattady.