Búgin ál-Farabı atyndaǵy QazUÝ-da Qazaqstan Respýblıkasy Birinshi Prezıdenti kúnine arnalǵan «Men jastarǵa senemin!» stýdent jastardyń V respýblıkalyq patrıottyq GALA-Forýmy ótti.
Aıta keter bolsaq, forým QR Bilim jáne ǵylym mınıstrligi, Almaty qalasy ákimdiginiń qoldaýymen ótip jatyr. Sondaı-aq, sharany QazUÝ-men qatar «Jas Otan» jastar qanaty, «Jandaný álemi» qory, «Jazýshylar Odaǵy», men Qazaq radıosy birlese uıymdastyryp otyr.
Qazirgi ýaqytta jastardy damytýǵa barlyq jaǵdaı jasalǵan. Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý»atty baǵdarlamalyq maqalasynda usynylǵan rýhanı jańǵyrý úderisiniń mańyzdy bóligi jastar arasynda otansúıgishtik, óz jerine, óz aýylyna, qalasyna, aımaǵyna degen súıispenshilikti qalyptastyrýǵa baǵyttalǵan.
Biz elimizdiń barlyq jetistikterin Elbasy – tuńǵysh Prezıdent Nursultan Nazarbaevtyń esimimen baılanystyramyz. Sol sebepti bolar, Tuńǵysh Prezıdent Kúni barlyq qazaqstandyqtar úshin aıtýly kúnge aınaldy.
Osy merekege oraı bizdiń ýnıversıtet «Men jastarǵa senemin!» atty respýblıkalyq patrıottyq forýmyn uıymdastyrdy. Bıyl besinshi forým ótkizilip otyr. Onyń basty maqsaty – stýdent jastardyń otanshyldyǵyn, azamattyq jaýapkershiligin arttyrý.
Forým baǵdarlamasy aıasynda 4 baıqaý ótkizildi:
«Elimizdiń ınovasıalyq damýyna meniń qosqan naqty úlesim» atty ınovasıalyq jobalar baıqaýy;
«Men memleketimniń gúldenýi úshin ne isteı alamyn?» atty esse baıqaýy;
«Men jastarǵa senemin!» atty stýdenttik azamattyq-patrıottyq baǵyttaǵy poezıalyq shyǵarmalar;
«Máńgilik el muratym!» patrıottyq ánder baıqaýy.
Uıymdastyrýshylar alqasyna respýblıkamyzdyń 69 joǵary oqý orny stýdentterinen 2000-ǵa jýyq jumystar kelip tústi. Olardyń ishinen eń úzdik 58 ýnıversıtetten 400 avtor gala-forýmǵa shaqyrý aldy.
Respýblıkalyq «Men jastarǵa senemin» konkýrsynyń irikteý komısıasy jumysynyń qorytyndysy:
1-oryn
Nuqy Jambyl Chokanbaıuly – – M. Ótemisov atyndaǵy Batys Qazaqstan memlekettik ýnıversıtetiniń stýdenti, (mamandyǵy – «Qazaq tili men ádebıeti»)
2-oryn
Qurmanáli Jazıra Haırollaqyzy – S. Seıfýllın atyndaǵy Qazaq Agrotehnıkalyq ýnıversıtetiniń stýdenti, (mamandyǵy – «Menedjment»)
3-oryn
Abylaı Ǵalıa Arhatqyzy – Taraz Memlekettik pedagogıkalyq ýnıversıtetiniń stýdenti, (mamandyǵy – «Qazaq tili men ádebıeti»)
Nomınasıalar:
«Qazaqstan-Zaman» gazetiniń «Ushqyr oı» nomınasıasyn Eset Móldir Meırambekqyzy, Q. Jubanov atyndaǵy Aqtóbe Óńirlik memlekettik ýnıversıtetiniń stýdenti (mamandyǵy – «Bıologıa»);
«Aıqyn» gazetiniń «Oıtamyzyq» nomınasıasye Sman Jansaıa, ál-Farabı atyndaǵy Qazaq ulttyq ýnıversıtetiniń stýdenti (mamandyǵy – «Qazaq tili men ádebıeti»);
Ál-Farabı QazUÝ Jýrnalısıka fakúltetiniń «Azamattyq rýh» nomınasıasyn Berdybaı Jazıra Tańatqyzy, ál-Farabı atyndaǵy Qazaq ulttyq ýnıversıtetiniń stýdenti (mamandyǵy – «Marketıń»);
«Jas órken» JSHS-niń «Nurly oı» nomınasıasyn Ábjappar Ásel Sábıtqyzy, «Bolashaq» akademıasynyń stýdenti (mamandyǵy – «Qazaq tili men ádebıeti»)
«Qala men Dala» gazetiniń «Rýh baıan» nomınasıasyn Serik Jubanysh Baýyrjanuly, M. Ótemisov atyndaǵy Batys Qazaqstan Memlekettik ýnıversıtetiniń stýdenti (mamandyǵy- «Qazaq tili men ádebıeti»)
«Túrkistan» halyqaralyq aptalyǵynyń «Asqaq arman» nomınasıasyn Amandyq Aıjuldyz, Sh. Esenov atyndaǵy Kaspıı memlekettik tehnologıalar jáne ınjınırıń ýnıversıtetiniń stýdenti;
«Almaty Aqshamy» gazetiniń «Aqıqatqa adaldyq» nomınasıasyn Aımaqova Mádına, Atyraý Injenerlik –gýmanıtarlyq ınstıtýtynyń stýdenti (mamandyǵy -«Ekonomıka») aldy.
Baıqaýǵa kelip túsken barlyq jumystardy bilikti mamandardan jasaqtalǵan komısıa quramy tekserip, júldeli oryndardy anyqtady. Komısıa quramyn tanystyra ketsek, tóraǵa – Nurtóre Júsip, «Aıqyn» respýblıkalyq qoǵamdyq-saıası gazetiniń Bas redaktory-dırektory. Komısıa músheleri: Júsipbek Qorǵasbek – «Jas Órken» JSHS-niń Bas dırektory; Qalı Sársenbaı – «Almaty aqshamy» gazetiniń Bas redaktory; Jańabek Shaǵataı – «Túrkistan» halyqaralyq aptalyǵynyń Bas redaktory; Ertaı Aıǵalı – «Qazaqstan-Zaman « halyqaralyq aptalyǵynyń Bas redaktory; Nurlan Jumahan – «Qala men dala» qoǵamdyq saıası aptalyǵynyń Bas redaktory; Aleksandr Rojkov – «Argýmenty ı fakty»-Kazahstan» aptalyǵynyń sholýshysy; (orys tilindegi mátinderge jaýapty); Aıgerim Áljanova – Jýrnalısıka fakúlteti dekanynyń oqý isi jónindegi orynbasary (aǵylshyn tilindegi mátinderge jaýapty).
Bul shara Qazaqstan Respýblıkasynyń Birinshi Prezıdenti kúnin atap ótý aıasynda 2013 jyldan beri ál-Farabı atyndaǵy Qazaq ulttyq ýnıversıtetinde jyl saıyn «Men jastarǵa senemin!» atty respýblıkalyq stýdenttik patrıottyq jastar forýmy ótkizilip kele jatyr. Forýmnyń negizgi maqsaty – stýdent jastardyń Qazaqstannyń bolashaǵyna degen azamattyq jaýapkershiligin arttyrý jáne patrıottyq, otanshyldyq sezimin bıikke kóterý.
