Esil ózeni men Nura-Esil arnasy arqyly eki kópir salynady, dep habarlaıdy Qamshy.kz aqparat agenttigi Astana qalasy ákimdiginiń medıa ortalyǵyna silteme jasap. 

Astana qalasy osy jıyrma jyl ishinde túrlenip damyp, gúldenip ósý ústinde. Jyl saıyn astanamyzda jańa nysandar boı kóterýde. Elordanyń jol kólik qatynasyn damytýda, kólik keptelisin tómendetý maqsatynda qala ákimdigi bar múmkindikterdi jasaýda. Qala dańǵyldary men kóshelerinde ońǵa burylý jolaǵyn salý sol isterdiń bir parasy.

Sonymen qatar, Astanada jańadan eki kópir salynady: biri Esil ózeni ústinen, ekinshisi Nura-Esil kanaly arqyly. Nura-Esil arnasy arqyly ótetin kópirdiń qurylysy 2017 jyldyń shildesinde bastalǵan, 2018 jyly kópir qurylysyn aıaqtaý josparlanýda. Kópirdiń uzyndyǵy – 40,98 p.m., kópirdiń kólemi – G-(16,0 m+16,0)+2h5,5 m, kópirdiń syzbasy – 1h33,0 m, kópirdiń eni – 51,4 m bolady.

Al, Esil ózeni ústinen salynatyn kópir Táýelsizdik dańǵyly arqyly qalamyzdyń ońtústik shyǵys bóligin sol jaǵalaýmen jalǵaıtyn bolady. Esil ózeni arqyly salynatyn kópirdiń uzyndyǵy – 263,22 m, kólemi – 2h (G-18,25 m)+2h3,0 m, syzbasy – 70+120+70 m, túsi metaldy, aq bolady.

Qazirgi tańda Táýelsizdik dańǵylyn sol jaǵalaýmen jalǵaıtyn kópir jobalaný kezeńińde. Eki kópir de úsh jolaqty bolady.