BUU Qaýipsizdik Keńesi daýystardyń kópshiligimen Sırıaǵa gýmanıtarlyq járdem berý týraly 2165 Qaýipsizdik Keńesi Rezolúsıasynyń merzimin 1 jylǵa uzartty, dep dep jazady Qamshy.kz aqparat agenttigi 24.kz-ke súıenip. 

Atalǵan Rezolúsıanyń Sırıanyń soltústigi men shyǵysyndaǵy 3,5 mıllıon halqyn gýmanıtarlyq kómekpen qamtyp otyrǵandyǵyn eskere otyryp, Qazaqstan atalǵan qujatty daýys berip qoldady.

Qazaqstan Sırıadaǵy gýmanıtarlyq jaǵdaıdyń jaqsarýyna baǵyshtalǵan halyqaralyq qaýymdastyqtyń barlyq is-sharasyn qoldaıdy delingen Qazaqstan delegasıasynyń málimdemesinde. Sırıaǵa gýmanıtarlyq kómek kórsetýde qolda bar múmkindikter men ádisterdiń, sonyń ishinde 2165 Rezolúsıany da saqtap qalý mańyzdylyǵy basa aıtyldy.

Degenmen, Qazaqstan delegasıasy BUU-nyń Gýmanıtarlyq Basqarmasynan monıtorıń pen ashyqtyq mehanızmderin jaqsartýda barlyq kúsh-jigerin salýdy ótindi. Sırıa problemasy gýmanıtarlyq kómek berý arqyly ǵana sheshilý múmkin emes ekendigin aıta otyryp, óte aýyr sharttarda bitimgershilik quryp jatqan Jeneva platformasy men Astana prosesin BUU Qaýipsizdik Keńesi músheleri qoldaýyn Qazaqstan delegasıasy olardan ótindi. Qazaqstan tarapy oq atýdy doǵarý rejımin saqtaýdyń mańyzdylyǵyn atap ótti.