Almatyda «Barys 4» bazarynda jeti konteıner órtendi. Qaza tapqandar men zardap shekkender joq, dep habarlaıdy Qamshy.kz aqparat agenttigi sputniknews.kz caıtyna silteme jasaı otyryp. Almaty TJD resmı ókili Sandýǵash Baımuhambetova. 

Konteınerler janyp jatqany týraly habar Almaty qalasy TJD "101" púltine búgin saǵat 04:31-de túsken. 10 mınýttan soń oqıǵa ornyna órt sóndirýshilerdiń alǵashqy legi keldi. Jalyn úlken aýmaqty sharpyǵandyqtan qosymsha kúshter tartyldy. 

«Órt sóndirýshiler kelgende konteıner qatary órtke oranyp, ekinshi qabatqa jáne «Barys 4» bazary kópfýnksıonaldy kesheniniń tóbesine taraǵan. Oqıǵa ornynda shtab uıymdastyryldy», —dep málimdedi Baımuhambetova. 

Belgili bolǵandaı, jeti azyq-túlik konteıneri órtengen. Tilsiz jaýdy aýyzdyqtaý kezinde alty gaz balony shyǵaryldy. Órt sóndirýshilerdiń jedel áreketiniń arqasynda jaqyn ornalasqan qulshylyq bólmesine zıan kelgen joq. 

Órt saǵat 06:12-de sóndirildi. Jalyn 900 sharshy metr aýmaqty sharpyǵan. Órtti sóndirýge jeke quramnyń 96 adamy men 27 dana tehnıka jumyldyryldy.