Soltústik Koreıadan qashyp, artynsha otbasyn kóshirip alyp kelgen áıel óziniń bastan ótkergen qıynshylyǵyn, KHDR-dyń saıası, áleýmettik jáne ekonomıkalyq daǵdarysy týraly TedX sahnasynda aıtyp berdi.

"Bala kezimde Soltústik Koreıany álemdegi eń keremet el dep oıladym. «Qyzǵanatyn eshteńe joq» ánin aıtyp óstim. Mektepte Kım Ir Senniń tarıhyn oqýǵa kóp ýaqyt jumsaıtynbyz, al ózge elder týraly eshteńe bilmedik. Tek Ońtústik Koreıa, Japonıa men Amerıka bizdiń jaýymyz ekenin ǵana qulaǵymyzǵa quıyp ósirdi.  Sheteldegi ómir týraly oılansam da, ómir boıy Soltústik Koreıada turamyn dep oıladym.  Alaıda barlyǵy ózgerdi. 

Eldiń kózinshe adamdy ólim jazasyna keskenin alǵash ret 7 jasymda kórdim.  Ol kezde de KHDR-degi ómir men úshin ádettegi  kúnderdeı ótip jatty. Otbasym materıaldyq jaǵynan tarshylyq kórmedi. Joqshylyq, ashtyq degendi bilmedim.

1995 jyly anam jumysyndaǵy áıeldiń ápkesiniń hatyn ákeldi. Onda bul hatty oqyp otyrsań, otbasymyzdyń bes adamy ólim qushqany. Bizdiń nár tatpaǵanymyzǵa eki apta boldy. Edende jatyrmyz. Boıymyzdan kúsh ketkeni sonsha ólýge daıynbyz. Bul hatty oqyp eseńgirep qaldym. Sol kezde alǵash ret meniń elimde adamdar zardap shegip jatqanyn túsindim.

Men poıyz beketiniń janynan ótip bara jatyp qorqynyshty kórinistiń kýágeri boldy. Sol ýaqyttaǵy kórinis áli kúnge deıin kóz aldymnan keter emes. Jerde áıel qımylsyz jatty. . Al onyń ábden álsiregen balasy anasyna qarap jatty, biraq eshkim olarǵa kómektespedi. Árkim óz sharýasymen álek.

90-shy jyldardyń ortasynda Soltústik Koreıany ashtyq jaılady. Mıllıondaǵan turǵyn ashtyqtan kóz jumdy. Shóp, qurt-qumyrsqa jegender aman qaldy. Elektr toǵynyń jetispeýshiligi qatty biline bastady. Túnde eldi qarańǵylyq basatyn" dep eske alady áıel.