Almaty qalasynda «Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategıasyn iske asyrý boıynsha 2015-2017 jylǵa arnalǵan is-sharalar josparynyń qorytyndysy» atty konferensıasy bolyp ótti.
Atalmysh sharany Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty qalasy boıynsha Departamenti men Almaty qalasynyń ákimdigi birlese otyryp uıymdastyrǵan.
Konferensıaǵa Almaty qalasynyń jergilikti jáne aýmaqtyq memlekettik organdardyń, joǵary oqý oryndarynyń basshylary men qoǵamdyq jáne úkimettik emes uıymdardyń ókilderi, jergilikti BAQ ókilderi qatysty.
Atalmysh konferensıada Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategıasyn iske asyrý jáne Almaty qalasyndaǵy kóleńkeli ekonomıkaǵa qarsy is-qımyl jónindegi, sondaı-aq «Nur Otan» partıasynyń 2015-2025 jyldarǵa arnalǵan sybaılas jemqorlyqqa qarsy is-qımyl Baǵdarlamasynyń birinshi kezeńin iske asyrý týraly jol kartasynyń oryndalýy boıynsha jáne Qoǵamda sybaılas jemqorlyqqa qarsy mádenıet qalyptastyrý jónindegi Keshendi josparynyń iske asyrylýy boıynsha 2015-2017 jylǵa arnalǵan is-sharalar josparyn qorytyndylady.
Konferensıa barysynda Almaty qalasy ákiminiń orynbasary – Murat Dáribaev, Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha Departamentiniń basshysy – Aıgúl Baıhanova, Almaty qalasy Qoǵamdyq keńesiniń múshesi Kákimjan Bıshmanov, «Azamattyq baqylaý» jobasynyń úılestirýshisi – Asqar Áskerov óz baıandamalaryn jasady. Sonymen qatar, qoǵamda sybaılas jemqorlyqqa qarsy mádenıet qalyptastyrý jónindegi Keshendi josparynyń iske asyrylýy boıynsha 2015-2017 jylǵa arnalǵan is-sharalar josparynyń sybaılas jemqorlyqqa qarsy is-áreket, onyń deńgeıin tómendetý, aldyn alý, boldyrmaý, qoǵamda jemqorlyqqa qarsy mádenıetti qalyptastyrý baǵytyndaǵy tarmaqtarynyń jergilikti jáne aýmaqtyq memlekettik organdardyń, bilim, densaýlyq, áleýmettik, kásipkerlik salalarynda oryndalý barysy jóninde jan-jaqty talqylandy.
«Sybaılas jemqorlyqqa qarsy 2015-2025 jyldarǵa arnalǵan QR strategıasynyń 2015-2017 jyldarǵa arnalǵan úsh jyldyq Keshendi jospary qabyldanǵan bolatyn. Búgingi jıynda biz úsh jylda atqarylǵan is-sharalardy qorytyndylaıtyn bolamyz. Sońǵy jyldarda qalamyzda sybaılas jemqorlyqtyń deńgeıi edáýir tómendegen», - deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha Departamentiniń basshysy Baıhanova Aıgúl Beıbitbaıqyzy.
Jıyn sońynda Qoǵamda sybaılas jemqorlyqqa qarsy mádenıet qalyptastyrý jónindegi Keshendi josparynyń jobalaryndaǵy baıqaýlardyń jeńimpazdaryn saltanatty túrde marapattaý rásimi ótkizildi.
