Búgin atmosferalyq fronttardyń ótýine baılanysty Respýblıkanyń basym bóliginde  aýa raıy jaýyn-shashyndy  (kóbinese qar) bolady. Respýblıkanyń basym bóliginde tuman, burqasyn, kóktaıǵaq, jeldiń kúsheıýi  kútiledi. Bul týraly Qamshy.kz aqparat agenttigi QR İİM TJK baspasóz qyzmetine silteme jasap habarlaıdy.

Shyǵys Qazaqstan oblystarynyń keı jerlerinde  burqasyn, tuman, kóktaıǵaq bolyp, jeldiń jyldamdyǵy 18-23 m/s, kúndiz 15-20, keı jerlerde 23-28, ekpini 30 m/s-ǵa deıin jetedi.

Pavlodar, Jambyl oblystarynyń keı jerlerinde tuman, kóktaıǵaq bolyp,  jeldiń jyldamdyǵy 15-20 m/s, ekpini 23-28, keı jerlerde 30 m/s-ǵa deıin jetedi, Pavlodar oblysynda burqasyn kútiledi.

Batys Qazaqstan, Atyraý oblystarynyń keı jerlerinde burqasyn bolyp,  jeldiń jyldamdyǵy 15-20 m/s-ǵa jetedi. Batys Qazaqstan oblysynda ekpini 25 m/s-ǵa deıin kúsheıedi, keı jerlerde burqasyn bolady.

Ońtústik Qazaqstan oblysynyń keı jerlerinde tuman, kóktaıǵaq bolyp, jeldiń jyldamdyǵy 15-20 m/s, ekpini 23-28 m/s-ǵa deıin kúsheıýi  kútiledi.

Almaty, Qyzylorda, Mańǵystaý, Qaraǵandy oblystarynyń keı jerlerinde tuman túsip, jeldiń jyldamdyǵy 15-20 m/s-ǵa deıin kúsheıedi, Qyzylorda, Qaraǵandy, Mańǵystaý oblystarynda kóktaıǵaq kútiledi.

Aqmola, Qostanaı, oblystarynyń keı jerlerinde tuman, kóktaıǵaq, burqasyn bolyp, jeldiń jyldamdyǵy 15-20 m/s-ǵa deıin kúsheıýi kútiledi.

Kúndiz Aqtóbe oblysynyń keı jerlerinde burqasyn bolyp, jeldiń jyldamdyǵy 15-20 m/s-ǵa deıin kúsheıedi.

Soltústik Qazaqstan oblysynyń keı jerlerinde burqasyn, tuman, kóktaıǵaq kútiledi.