2017 jyly Kaznette edáýir talqyǵa túsken ánder az bolǵan joq. Olardyń biri qala ákiminiń aýzynda bolsa, biri shetelde tanymal bolyp ketti. Tómendegi tizimde 2017 jyly hıtke aınalǵan qazaqsha ánderdiń Qamshy.kz aqparat agenttigi tilshisi qurastyrǵan úzdik ondyǵyn usynamyz:

1. Erke Esmahannyń «Qaıda?» áni

Maýsym aıynda jelige salynǵan Erke Esmahannyń «Qaıda?» áni az ýaqyt ishinde jelige taralyp, búginde 47,154,044  ret qaraldy. Tanymal ánge birneshe rolıkter de túsirilip, sonaý AQSH tyńdarmandaryn da tamsandyrdy. Sondaı-aq, kórshiles qyrǵyz ánshisi atalmysh ánge qyrǵyz tilinde beınebaıan da túsirgen.

Osy sátten bastap, «Qaıda?» áni qyrǵyzdardan urlanǵan degen qaýesetter tarady. Ándi qyrǵyzsha aıtqan Gúlnaz Shynybekqyzy bolyp shyqty.

Qazaqstandyq kompozıtor Qaınar Alagóz atalmysh ánniń eshqandaı da plagıat emes, kompozısıa sózderiniń avtory ózi ekendigin málimdedi. Al mýzykasyn kompozıtor Dıana Ismaılova qurastyrǵan eken. Qaınar Alagózdiń aıtýynsha, qyrǵyz ánshisi Erkeniń ánindegi keıbir qala attaryn ózgertip alǵan. Onyń ústine, Qaınar myrza kórshiles memleket ánshisi ózi jazǵan «Qaıda?» ánin oryndaǵanyna qarsy emes ekendigin alǵa tartty.

«Jalpy, men ándi basqalardyń da aıtýyna qarsy emes, kerisinshe, onyń tanymal bolyp ketýine qýanyshtymyn», - dedi ol.

2. «Zyń-zyń» áni

Osydan 4-5 aı buryn jelide shymkenttik qyzdar jaıly «Zyń-zyń» áni paıda boldy. Jaryqqa shyǵa salysymen, atalmysh án úlken tanymaldyqqa ıe boldy. «Zyń-zyń» nemese «Shymkenttiń qyzdary» áninde Shymkenttegi qyzdardyń sulýlyǵy jaıly aıtylady.

Biraq ánniń naqty qashan jazylǵany belgisiz, alaıda bul án birneshe aptanyń ishinde hıtke aınaldy. Shymkent ákimi Ǵabıolla Ábdirahmanovtyń Shymkent qalasyna «zyń» dep baǵa bergen sáti de jelide jarıalanyp ketken edi.

Án Jokeasses vaınerleriniń klıpinen keıin tanymal bola bastady. YouTube hostıngindegi rolıkti 4 kúnde 146 myń adam kórgen. Al qazirde dál osy rolık 1,976,296 myń ret qaralǵan. Jokeasses ókilderi túsirgen ánniń sózin jazǵan jas kompozıtor Bolat Nurymov. Biraq halyqqa keńinen tarap ketken án avtory ústimizdegi jyldyń 25-shi qarashasynda mezgilsiz ómirden ótti.

3. Ernar Aıdar - «Kúnim sen sónbeshi»

Ernar Aıdardyń «Kúnim sen sónbeshi» beınebaıany 2017 jyldyń shildesinde jaryqqa shyǵyp, qazirde 13,744,108 ret qaralǵan. Klıpte tabıǵat aıasynda serýendegen qos ǵashyqtyń bir-birine degen súıispenshiligi beınelenedi.

4. Erke Esmahan – «KZ jigit»

Erke Esmahannyń «KZ jigit» atty beınebaıany da jeli qoldanýshylarynyń nazarynan tys qalmaǵan. Búginge deıin ol 7,775,619 ret qaralǵan eken.

5. Aıqyn - «Seni saǵyndym»

Ústimizdegi jyldyń qańtarynda Aıqyn Tólepbergen tanymal aktrısa Gúlnaz Jolanovamen birigip túsirgen beıneklıp jaryq kórdi. Án jastar arasynda edáýir tanymal bola bastady, sebebi klıp belgili bir oqıǵaǵa quralǵan. Beıneklıp qaharmandarynyń shynaıy mahabbatyn pash etedi. Qazirgi keze beınebaıan 2, 774, 760 ret qaralǵan.

6. Qaırat Nurtastyń 2017 jylǵy án jınaǵy

2017 jyly áıgili ánshi Qaırat Nurtastyń hıtke aınalǵan ánderi bir emes birneshe. Jyl basynan beri ánshiniń: «Júregińnen bir oryn ber», «Shydaımyn», «Júregim sen kelgeli baqytty», «Qaıran kúnder», «Úmit úzbe», «Meni baǵaly», «Jazdyń keshi» atty ánderi jaryqqa shyqqan.

7. Nýrbolat Abdýllın – «Sen qorqaqsyń»

Nýrbolat Abdýllındi jurt asa qatty bile bermese de, «Sen qorqaqsyń» áni kóp jerde aıtylyp, el arasyna taralyp ketti. Bıyl sáýirde jarıalanǵan beıneklıptiń qazirgi qaralymy 8,353,127.

8. Aıdana Medenova – «Umyt»

Qańtardyń sońynda jaryqqa shyqqan Aıdana Medenovanyń «Umyt» áni de jastar tyńdaıtyn án tiziminiń qatarynda bolǵanyna shúbámiz joq. Sulý da súıkimdi Aıdananyń beıneklıpi 95, 915 ret qaralǵan.

9. Tóreǵalı Tóreáliniń ánder jınaǵy 

2017 jyly Tóreǵalıdyń da birneshe ánderi jaryqqa shyǵyp, kórermenge jol tartqan edi. 

10. Rýslan Sátenov – «Apa»

Rýslan Sátenovtyń maýsymda ázilkesh Juldyzaı túsken «Apa» ániniń beınebaıany 11,812,106 ret qaralǵan.