Qazaqstandyqtardyń ashýyna tıgen Aıjan Baızaqovany belgisiz bireýler soqqyǵa jyqqan dep habarlaıdy Qamshy.kz aqparat agenttigi today.kz saıtyna silteme jasaı otyryp. Bul týraly Jibek Baızaqova málimdedi. Aıjannyń soqqyǵa jyǵylǵan fotosy áleýmettik jelide qyzý talqylanyp jatyr.

«Bardyń ókili retinde qazaqstandyqtardan keshirim suraımyn. Osy oqıǵaǵa qatysty qyzmetkerler jumystan shyǵaryldy. Sebebi olar osy oqıǵany qadaǵalap, toqtatpady. Bul oqıǵada bizdiń de kinámiz bar, árıne», dedi Jibek Baızaqova.

Sonymen birge Jibek Baızaqova bı jarysy qyzdardyń sheshinýimen aıaqtalǵanyn aıtty.

«Barlyǵy bı jarysynan bastaldy. Keıin klýbqa kelýshiler qyzdardyń sheshinýin surady. Biz tek bımen tańǵaldyrý kerek degen kezde 1-shi nómirli qyz óziniń ish kıimin sheshe bastady. Bul oqıǵa vıdeoǵa túsirilip, áleýmettik jelige tarady. Biraq bul jerde Aıjannyń kinási joq», dedi Jibek Baızaqova.

Al Aıjan Baızaqovanyń soqqyǵa jyǵylǵanyn rastady.

«Aıjandy belgisiz adamdar soqqyǵa jyqqany ras. Bul daýly oqıǵadan keıin boldy. Biraq qatty jaraqat almaǵandyqtan polısıa qyzmetkerlerine aryzdanbadyq», dep aıtyp ótti Baızaqova.

«Instagram qoldanýshylardyń kópshiligi Aıjandy synap jatyr. Olar Aıjandy tipti jek kóredi. Sebebi Aıjan óz qalaýynsha ómir súrýde. Biraq shyndyǵyna kelgende Aıjannyń óz ómiri óz qolynda, ne isteımin dese de ózi biledi. Al saıysqa keletin bolsam, Aıjan qyzdarǵa «erteń osy áreketteriń úshin ókinetin bolasyńdar», - dep eskertti. Alaıda olar Aıjannyń aıtqanyna qulaq aspaı, «biz mas emespiz, ne istep jatqanymyzdy bilemiz», - dep aıtty. Keıin 50 myń teńgeni jeńip alǵan qyz aqshanyń barlyǵyn klýbqa kelýshilerge taratyp berdi. Men onyń ne úshin sheshingenin túsinbedim», deıdi Jibek Baızaqova.