Almatyda İİM-niń polısıa podpolkovnıgi men aǵa tergeýshisi 30 myń AQSH dollary kóleminde para alyp jatqan jerinde ustaldy, dep habarlaıdy QazAqparat. QR Memlekettik qyzmet isteri jáne sybaılas jemqorlyqqa qarsy is-qımyl agenttigi Almaty qalasy boıynsha departamentiniń resmı ókili Nurlan Jahınniń aıtýynsha, polıseıler 3 qańtar kúni ustalǵan.
«Almaty qalasynda QR İshki ister mınıstrliginiń Ońtústik aımaqtyq uıymdasqan qylmyspen kúres basqarmasynyń podpolkovnıgi A. Grıgorev pen QR İİM Tergeý departamentiniń aǵa tergeýshisi, kapıtan A.Nurbolatov jeke tulǵadan ony qylmystyq jaýapkershilikke tartpaý úshin 30 myń AQSH dollary kóleminde para alyp jatqan kezinde ustaldy», - delingen habarlamada. Kúdiktiler Almaty qalasy İİD Ýaqytsha tergeý ızolátoryna qamaldy.
