9 qańtarda el aýmaǵynyń basym bóliginde qar jaýýy yqtımal, tek ońtústik shyǵysta ǵana jaýyn-shashynsyz aýa raıy kútiledi. Keı jerlerde burqasyn, kóktaıǵaq, tuman, jeldiń kúsheıýi múmkin, dep habarlaıdy Qamshy.kz aqparat agenttigi Qazgıdrometke silteme jasaı otyryp.

Aqmola, Pavlodar oblystarynyń keı jerlerinde burqasyn, kóktaıǵaq, jel 15-20 m/s kúsheıedi, kúndiz Aqmola, Pavlodar oblystarynda jel ekpini 23-28 m/s bolady.

Almaty oblysynda Jalańashkól aýdanynda jel 18-23, ekpini 28 m/s jetedi, túnde keı jerlerinde tuman túsedi. Soltústik Qazaqstan oblysynyń basym bóliginde jel 15-20 m/s kúsheıedi, keı jerlerinde jel ekpini 23-28 m/s deıin jetedi, keı jerlerinde burqasyn bolady.

Qaraǵandy oblysynyń keı jerlerinde burqasyn, jel 15-20m/s kúsheıedi, túnde keı jerlerinde tuman kútiledi.

Qostanaı oblysynyń keı jerlerinde burqasyń, kóktaıǵaq, basym bóliginde jel ekpini 15-20 m/s kúsheıedi.

Shyǵys Qazaqstan oblysynyń keı jerlerinde jel 15-20 m/s kútiledi, kúndiz keı jerlerinde - burqasyn.

Batys Qazaqstan, Aqtóbe oblystarynda da burqasyn kútiledi, jeldiń jyldamdyǵy 15-20 m/s jetedi. Jambyl, Ońtústik Qazaqstan, Qyzylorda oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi. 

 Atyraý oblysynyń keı jerlerinde tuman túsip, kóktaıǵaq bolady.

Mańǵystaý oblysynyń keı jerlerinde kóktaıǵaq, kúndiz jel turyp, 15-20 m/s jetedi.