Astana ákimdigi qala turǵyndarynyń ótinishterin endigi arnaıy heshteg arqyly bile alatyn bolady. Bul týraly ákimdiktiktiń baspasóz qyzmetiniń jetekshisi Elvıra Júrgenbaeva málimdedi, dep habarlaıdy Qamshy.kz aqparat agenttigi.

«Qala turǵyndary men qonaqtarynyń habarlary men ótinishterine «Astana q. ákimdiginiń qalalyq monıtorıń jáne jedel áreket etý ortalyǵy» jedel áreket etý maqsatynda, aryz-shaǵymdaryńyzdy kelesi #astana109 heshtegin qoldanyp belgileýińizdi suraımyz», - dep jazdy Júrgenbaeva óziniń Feısbýktegi paraqshasyna.

Sondaı-aq, Astana ákimdiginiń qalalyq monıtorıń jáne jedel áreket etý ortalyǵyn qurǵanyn eske túsirip ótti.

«Qalalyq monıtorıń jáne jedel áreket etý ortalyǵy – «109 kezekshilik qyzmeti» MM jáne Astana q. Ákimdiginiń Axýaldyq ortalyǵynyń beınebaqylaý monıtorıń komandasymen birigýi arqyly qurylǵan. Qalalyq monıtorıń jáne jedel áreket etý ortalyǵy Astananyń «tirshilik áreketiniń» monıtorıńi jáne tekserý quraly bolyp jumys jasaıdy», - dedi Astana ákimdigi baspasóz qyzmetiniń jetekshisi.

Baılanys nómiri qala turǵyndaryna ádettegideı 109 bolyp tabylady.

Sonymen qatar ár azamat ózderiniń habarlamalaryn «Smart Astana» mobıldi qosymshasy arqyly bere alady.