Amerıkalyq Vıskonsın shtaty Mılýokı qalasyndaǵy mektepterdiń birinde 4-synyp oqýshylaryna quldyqtyń jaqsy tustaryn jazyp kelý jaıynda úı tapsyrmasy berilgen. Bul týraly Qamshy.kz aqparat agenttigi Daily Mail portalyna silteme jasap habarlaıdy.

Oqýshylardyń biriniń anasy óziniń Feısbýktegi paraqshasyna atalmysh tapsyrmaǵa baılanysty ulynyń jazǵanyn bólisti: «Men quldyqtyń jaqsy qasıetteri bar dep oılamaımyn. Sol sebepti eshteńe jazbaımyn. Al jamandyqtaryna keler bolsaq, quldardy uryp-soǵady, otbasynan ajyratady», - dep jazylǵan.

Sońynda oqýshy óziniń qara násildi ekenine maqtanatynyn da jazyp ótken. «Bizdiń qara násildi ekenimizge maqtanamyn, sebebi biz batyl ári kúshtimiz».

Basylymynyń málimetinshe, oqýshylardyń kóbi bul tapsyrmany oryndaýdan bas tartqan.

Mektep basshylyǵy da tapsyrmanyń orynsyz ekenin aıtyp, ata-analardan keshirim surady. «Tapsyrmanyń maqsaty oqýshylar arasynda dıskýssıa uıymdastyrý bolǵan», - dedi mektep dırektory.