Almaty oblysynda ógeı ákesi úsh jasar qyzynyń denesin tistelep, murnyn julyp alǵan. Bul týraly jýrnalıs Gúlmıra Ábiqaı óziniń Instagram paraqshasyna jazdy dep habarlaıdy Qamshy.kz aqparat agenttigi.

"Fotodaǵy úsh jasar qyzdyń ústinen saý tamtyq joq. Basynan bashpaıyna deıin aıaýsyz tistelep, bir ýys tóbe shashy múldem joq. Eń soraqysy uıyqtap jatqan bópeniń murnyn 1986j.t. Rınat Qońqabaev tistep julyp alǵan. Álde jep qoıdy ma, kim bilsin,muryn eti sol kúıi tabylmady",- deıdi Gúlmıra Ábiqaı.

Onyń aıtýynsha, 20 kún aýrýhanada jatqan Jansaıa búgin anasymen úıge qaıtýy kerek. Alaıda, basar taý, barar jeri joq eken.

"Páterge oralsa azamattyq jary Rınat kútip otyr. Bul máselege qatysty balaǵa shabýyl dep aryz jazylǵanymen kúdikti ızolátorda bir kún otyryp, bosap shyqty. Shyryldap endi aryz jazǵanymdy bilse ózimdi de óltiredi dep jylaıdy Aıaýlym Mataeva. Ol (Rınat) buryn sottalǵan azamat. Adam bolmaıtynyn bilgen týystary teris aınalǵan jigitti nege tańdadyńyz? Birge turǵan bir jyl ishinde birneshe ret qol kótergenin nege jasyrdyńyz? Ol iship alǵanda «belaıa goráchka» ekenin bile tura 3 jasar qyzdy qaýipke nege ıtermeledińiz? Bul saýaldarǵa Aıaýlym jaýap tappady. Siz azamattyq jaryńyz ólerdeı mas ekenin bile tura, mundaı kezde kózine túsken jandy ońdyrmaıtynyn (tisteıdi) bile tura týǵan qyzyńyzǵa arasha túsý ornyna tastap qashtyńyz. Ekeýińiz de QYLMYSKERSİZDER! Al, ne boldy? Bir qyz bala máńgilik ýrod boldy. Oǵan qansha jerden ota jasalǵanymen óz murnyndaı bolmaıdy. 3 jasar balanyń psıhıkasyna máńgilik syzat tústi", -deıdi jýrnalıs.

Almaty oblystyq İİD baspasóz qyzmetiniń ókili Kóbeıhan Nurahmetov atalǵan oqıǵany rastady.