QR Aqparat jáne komýnıkasıa mınıstri Dáýren Abaev 1,7 mlrd teńge bólingeli otyrǵan qazaqstandyq BAQ-tyń monıtorıńi jaıynda aıtyp berdi. Bul týraly tengrinews.kz portalynyń málimetine súıenip habarlaıdy Qamshy.kz aqparat agenttigi.

«Bul júıeniń bizge aýadaı qajet ekenine senimdimin. Bul baqylaý emes, monıtorıń. Máselen, memlekettik tilde shyǵyp otyrǵan aqparattardyń sanyn anyqtaýǵa múmkindik beretin monıtorıń ol. Ári bizge zańnamaǵa sáıkes jumys isteýge múmkindik beretin monıtorıń», - dedi Abaev.

Mınıstrdiń aıtýynsha, Qazaqstannyń aqparattyq aımaǵy túgel qamtylady. Monıtorıńke basylymdar, radıo, televıdenıe jáne Internet-BAQ-tar túgel kiredi. Sondaı-aq Abaev ár baspa basylymynda zań boıynsha jarıalanǵan aqparattan keıin mınıstrlikke tapsyrýǵa tıisti elektrondy nusqanyń baryn aıtty.

«1,7 mlrd teńge tıisti aqparattyq ónim jasap shyǵarý úshin qajet. Ol arnaıy ári erekshe baǵdarlama», - dep atap ótti mınıstr.

Aıta keteıik, QR Aqparat jáne komýnıkasıa mınıstrligi ulttyq aqparattyq keńistiktiń avtomattandyrylǵan monıtorıń júıesin jasaýdy óz moınyna aldy. Ony 2018 jyldyń sońyna deıin aıaqtaý josparlandy. Osy maqsatta respýblıkalyq búdjetten 1,7 mlrd teńge bólingen.