Aqtóbede 1 jastaǵy sábı anasynyń kesirinen zaǵıp bolyp qaldy. Endi asqynyp kele jatqan aýrýdyń aldyn almaǵandyqtan, sábı jaryq dúnıeni óz kózderimen kórý múmkindiginen aıyryldy. Bul jaǵdaı týraly ótken jyldyń sońynda belgili bolǵan. 4 balany ósirip otyrǵan jalǵyzbasty ana ata-ana quqyǵynan aıyryldy, dep jazady Qamshy.kz aqparat agenttigi ASTANA TV málimetine súıenip.
Polısıa qyzmetkerleriniń sózine qaraǵanda, sábıdiń anasy ishimdik ishken jáne balalaryna qaramaǵan. 29 jastaǵy aqtóbelik áıel adam densaýlyǵyna zıan keltirgeni úshin aıyptalyp otyr. Áıeldiń ústinen qylmystyq is qozǵaldy. Polısıa qyzmetkerleriniń aıtýynsha, áıel mas kúıinde 1 jastaǵy balasynyń kózine belgisiz suıyqtyq tamyzǵan. Al saraptama nátıjesi sábıdiń zaǵıp bolyp qalýy aýrýdyń asqynǵanynan dep otyr.
