Aqtóbe oblysynda 52 adamnyń qazasymen aıaqtalǵan avtobýs órtine otty abaısyz paıdalaný sebep bolǵan. Bul týraly İİM mınıstriniń orynbasary Erlan Turǵymbaev málimdedi dep jazady 24.kz. Onyń aıtýynsha, avtokóliktiń qozǵaltqyshy óship qalyp, kóliktiń ishi salqyn bolǵan, sol kezde dánekerleıtin sham jylytqysh retinde qoldanylǵan. Ol eki saǵattan astam ýaqyt jumys jasaıdy. Sol kezde kólik salonyndaǵy 5 lıtrlik ydystaǵy benzın tógilip, ot lap etedi. Sóıtip, az ýaqytta avtobýs ishindegi azamattardyń barlyǵynyń ómirin jalmaǵan. Zardap shekken azamattar da bul sózderdi rastap otyr. Tótenshe jaǵdaıǵa baılanysty qozǵalǵan qylmystyq is odan ári jalǵasyp, tergeý amaldary júrgizilýde. Al marqumdardyń máıitteri Ózbekstan tótenshe jaǵdaılar mınıstrliginiń bortymen eline jiberildi. Rýstam Djýraev, Ózbekstan

Respýblıkasynyń tótenshe jaǵdaılar mınıstri: - Qaza bolǵan azamattardyń máıitterin Ózbekstanǵa jetkizemiz. Qajet bolǵan jaǵdaıda qosymsha saraptamalar júrgiziletin bolady. Sodan keıin týǵan-týystaryna tabystaımyz.

 QR İshki ister mınıstriniń orynbasary Erlan Turǵymbaev: - Avtobýstyń ishi salqyn bolǵanyna baılanysty benzındi dánekerleýshini paıdalanǵan. Jolaýshylar osylaı 2 saǵattan artyq jylynyp otyrǵan. Benzın men gaz qosyndysy avtobýs salonyna tolǵan. Janarmaı qutysy tógilgen sátte órt bastalyp, sanaýly mınýttar ishinde salon jalynǵa oranyp, jolaýshylar qaza boldy,-dedi.