13 jasynda «seksýaldyq terorızmdi» bastan ótkergen Natalı Portman, sol ýaqyttan bastap denesin jaýyp, er adamdardyń nazaryna túspeýdi úırengen, dep CNN-ge súıene otyryp jazady Qamshy.kz aqparat agenttigi. 

Kásibı qyzmeti úshin qanshama ret marapattalǵan, aktrısa Natalı Portman senbi kúni Los-Anjeleste ótken Áıelder Marshynda basynan ótkergen sumdyq oqıǵasyn aıtyp berdi.

12 jasynda ol «Léon: The Professional» kartınasyna túsip, alǵashqy rólin somdap shyqqan. Bul fılmde ol ata-anasyn óltirgenderden kek alý maqsatynda beıtanys er adammen dostasatyn qyzdyń rólin oınaǵan.

Natalie Portman said experiencing "sexual terrorism" at the age of 13 made her feel the need to cover her body and inhibit expression while addressing thousands in LA gathered for the Women's March https://t.co/qI2mwWo0hf pic.twitter.com/sfGCDlS93F

— CNN International (@cnni) January 21, 2018

Fılm jaryqqa shyqqanyna 1 jyl tolǵanda, alǵashqy keri baılanys beıtanys erkektiń «zorlaǵysy kelgen qıaly» týraly hat bolatyn .

Marshqa jınalǵandardyń aldynda Natalı: «13 jastaǵy qyz bolsam da, sol kezde, jabyq kıimder kıip ózimdi qarapaıym etip kórsetý kerektigin birden uqtym. Sondyqtan, senarıde aımalasý, súıisý bar bólikterge túsýden bas tarttym», -dep aǵynan jaryldy.

«Bul meniń basymnan ótkergen  «seksýaldyq terorızm» maǵan ózimdi qadaǵalaýǵa, búrkenip júrýge úıretti»-dedi.