Antısıklonnyń áserinen, Qazaqstannyń basym bóliginde jaýyn-shashynsyz aýa-raıy bolady, tek batysynda, soltústik-batysta keı jerlerde azdaǵan qar kútiledi. Bul týraly Qamshy.kz aqparat agenttigi Qazgıdrometke silteme berip habarlaıdy. Respýblıkanyń keı jerlerinde jeldiń kúsheıýi,  tuman, batysynda kóktaıǵaq, soltústik batysta keı jerlerde jaıaý burqasyn kútiledi.

    Qyzylorda, Jambyl, Batys Qazaqstan oblystarynyń keı jerlerinde tuman, jel 15-20 m/s kúsheıedi. Aqmola, Qostanaı, Soltústik Qazaqstan, Qaraǵandy, Ońtústik Qazaqstan oblystarynyń keı jerlerinde tuman, kúndiz jel 15-20 m/s kúsheıýi kútiledi. Aqtóbe oblysynyń keı jerlerinde tuman, jel 18 m/s, túnde jaıaý burqasyn bolady. Atyraý oblysynda keı jerlerinde tuman, kóktaıǵaq bolady. Almaty oblysy Jalańashkól aýdanynda jel 15-20 m/s kúsheıedi.Mańǵystaý, Pavlodarda, Shyǵys Qazaqstan oblystarynyń keı jerlerinde túnde jáne tańerteń tuman bolady.