Aýǵanstan astanasyndaǵy qonaq úılerdiń birine shabýyl jasalyp, nátıjesinde 30-dan adam qaza tapty. Kóz jumǵan adamdardyń arasynda bir Qazaqstan azamaty men alty Ýkraına azamaty bolǵan, dep habarlaıdy Qamshy.kz aqparat agenttigi Azattyq radıosynyń málimetine súıene otyryp.

Oqıǵa ornynan 150 adam qashyp qutylǵan, olardyń 41-i shetel azamattary eken. Bul jaıynda Aýǵanstan SİM Nadjıb Danısh málimdedi. Qutqarylǵan adamdardyń ishinde 10-y jaraqattanǵan, al olardyń altaýy qaýipsizdik qyzmetiniń ókilderi.

Nadjıb Danıshtyń aıtýynsha, qaza tapqan 14 sheteldiktiń 11-i KamAir áýe kompanıasynyń qyzmetkerleri bolǵan. KamAir áýe kompanıasynyń basshylyǵy Kabýldegi qonaq úıge jasalǵan shabýyldyń saldarynan birshama reıster keıinge qaldyrylǵandyǵyn málimdedi.

Qazaqstan SİM resmı ókili Ánýar Jaınaqov óziniń áleýmettik jelidegi paraqshasynda qaza tapqan adamdardyń arasynda bir qazaqstandyq azamattyń bar ekendigin jazdy. Aty-jóni kórsetilmegen, 1978 jylǵy er adam eken. «Qazaqstan dıplomattary Aýǵanstannyń qaýipsizdik qyzmeti men syrtqy ister mınıstrligimen baılanysyp otyr. Jaqyn arada qaza tapqan er adamnyń máıitin elge jetkizý máselesi sheshiledi», - dep jazady Ánýar Jaınaqov.