QR Úkimetiniń qaýlysymen Qaıyrbek Aıtbaıuly Óskenbaev QR ınvestısıalar jáne damý vıse-mınıstri qyzmetine taǵaıyndaldy, dep habarlaıdy Qamshy.kz aqparat agenttigi Premer-mınıstrdiń saıtyna silteme jasap.

Qaıyrbek Óskenbaev 1964 jyly Astana qalasynda dúnıege kelgen. 1986 jyly KSRO İİM Qaraǵandy joǵary mektebin, 1996 jyly — Aqmola agrarlyq ýnıversıtetin jáne 2004 jyly L. N. Gýmılev atyndaǵy EUÝ Dıplomatıalyq akademıasyn támamdaǵan. Zańger, uıymdastyrýshy-ekonomıst jáne halyqaralyq qatynastar salasyndaǵy maman retinde bilikti.

Eńbek jolyn 1982 jyly bastaǵan. 1982 – 1993 jyldary ishki ister organdarynda qyzmet etken, Aqmola qalalyq ákimshiliginiń komýnaldyq menshik bóliminiń meńgerýshisi laýazymyn atqarǵan.

1993 – 1996 jyldary bas keńesshi zańger, zańdy qamsyzdandyrý jáne baqylaý bóliminiń basshysy, QR memlekettik múlik boıynsha Aqmola aýmaqtyq komıtetiniń jekeshelendirý jónindegi búro dırektory retinde jumys istegen.

1996 – 2006 jyldar aralyǵynda QR jekeshelendirý boıynsha Aqmola oblysy boıynsha Memlekettik komıtetiniń basqarma tóraǵasynyń orynbasary, Memlekettik múlikti basqarý boıynsha Aqmola aýmaqtyq komıtetiniń tóraǵasy, Aqmola qalasy boıynsha memlekettik múlik jáne jekeshelendirý boıynsha aýmaqtyq komıtet tóraǵasy, «Astana qalasynyń komýnaldyq menshik qory» memlekettik komýnaldyq kásipornynyń dırektory, QR Indýstrıa jáne saýda mınıstrliginiń Saýda jáne týrısik qyzmetti retteý komıtetiniń tóraǵasy qyzmetterin atqarǵan.

2006 – 2011 jyldary QR Týrızm jáne sport mınıstrliginiń Týrızm ındýstrıasy jónindegi komıtetiniń tóraǵasy jáne Qazaqstan Respýblıkasynyń týrızm jáne sport vıse-mınıstri retinde jumys istegen.

2011 – 2016 jyldary «20015 áskerı bólimshesi» RMM materıaldyq-tehnıkalyq qamsyzdandyrýdyń basty basqarmasynyń basshysy, «QazMunaıGaz – Servıs» JSHS bas dırektorynyń orynbasary, QR aımaqtyq damý birinshi vıse-mınıstri jáne QR ulttyq ekonomıka vıse-mınıstri qyzmetterin atqarǵan.

2016 jyldan bastap qazirgi ýaqytqa deıin «Báıterek» UBH» AQ basqarýshy dırektory laýazymyn atqardy.

«Qurmet» jáne «Parasat» ordenderimen marapattalǵan.