2017 jyly Almaty qalasynda polısıa qyzmetkerleri 150-den astam jezóksheler ordasyn japqan, dep habarlaıdy Qamshy.kz aqparat agenttigi Kazpravda.kz saıtynyń málimetine súıene otyryp.

«Ótken jyly Almaty polısıasy 150-den astam jezóksheler ordasyn japty. Almatydaǵy uıymdasqan qylmysqa qarsy basqarma qyzmetkerleri 2017 jyly adam satýǵa baılanysty bir qylmystyq istiń jáne de adam urlaýǵa qatysty 8 qylmystyq istiń betin ashty», - deıdi qalalyq İİD baspasóz qyzmetindegiler.

Sonymen qatar, jedel jáne arnaıy sharalar nátıjesinde jeńgetaılyq iske qatysty 37 fakti, jezókshelikpen aınalysýǵa ıtermelegen 19 fakti tirkelgen, onyń ekeýinde qylmyskerlerdiń qurbany bolǵan qyzdar kámelet jasyna tolmaǵan bolyp shyqty.

Eske sala ketsek, ótken jyldyń qarasha aıynda Almatydaǵy polısıa qyzmetkerleri joǵalyp ketken 17 jastaǵy qyzdy jezóksheler ordasynan taýyp alǵan bolatyn. Belgili bolǵandaı, 17 jastaǵy qyzdy aldap, jezókshelikpen aınalysýǵa májbúrlegen. QR QK 134 babyna sáıkes eki jas jigit qylmystyq jaýapkershilikke tartylǵan edi.